தஞ்சாவூர்: ஒரத்தநாடு அருகில் உள்ள தெலுங்கன்குடிக்காடு கிராமத்தைச் சேர்ந்தவர் சங்கர். இவர் தெலுங்கன்குடிக்காடு கிராம கூட்டுறவு சங்கத் தலைவராக செயல்பட்டு வருகிறார். மேலும் இவர் தனியாக உரக்கடை ஒன்றையும் நடத்தி வருகிறார்.
ஒரத்தநாடு அருகே உரக்கடை உரிமையாளரின் பூட்டிய காரை திறந்து 7 பவுன் நகை, 30 ஆயிரம் ரூபாய் பணம், ஏடிஎம் கார்டு உள்ளிட்டவற்றை அடையாளம் தெரியாத நபர்கள் திருடிச் சென்ற சம்பவம் பரபரப்பை ஏற்படுத்தியுள்ளது.
இந்நிலையில் சங்கர் பட்டுக்கோட்டை நகர கூட்டுறவு வங்கிக்கு தனது காரை பூட்டிவிட்டு சென்றுள்ளார். அப்போது காரில் இருந்த 7 பவுன் நகை, 30 ஆயிரம் ரூபாய் பணம், ஏடிஎம் கார்டு உள்ளிட்டவைகளை அடையாளம் தெரியாத நபர்கள் திருடி சென்றுள்ளனர்.
புகாரின் பேரில் வழக்குப்பதிவு செய்த காவல்துறையினர் சிசிடிவி காட்சிகளை ஆய்வு செய்து அடையாளம் தெரியாத நபர்களை தேடி வருகின்றனர்.
இதையும் படிங்க:காமன்வெல்த் போட்டி: தமிழ்நாடு வீராங்கனை அபிராமி அஜித் பங்கேற்பு