தென்காசி:சென்னை வானிலை ஆய்வு மையம்தமிழகத்தில் பல்வேறு மாவட்டங்களுக்குக் கனமழைக்கான எச்சரிக்கை விடுத்த நிலையில், தென்காசி மாவட்டத்திலும் மழைக்கான வாய்ப்பு இருப்பதாக அறிவித்திருந்தது. இதனை அடுத்து, தென்காசி மாவட்டத்தின் சில பகுதிகளில் இன்று, (ஜன.8) மழை பெய்து வருகிறது. இதனால், பொதுமக்கள் பெரிதும் பாதிக்கப்பட்டு உள்ளனர்.
தென்காசி மற்றும் அதன் சுற்று வட்டாரப் பகுதிகளான செங்கோட்டை, சுந்தரபாண்டியபுரம், ஆய்க்குடி, குற்றாலம் உள்ளிட்ட பகுதிகளில் தற்போது மழை பெய்து வருவதால் மக்களின் இயல்பு வாழ்க்கை பெரிதும் பாதிக்கப்பட்டு உள்ளது. தென்காசி மாவட்டத்தில், சிவகிரி பகுதியில் தலா 7 மி.மீ மழையும், தென்காசியில் தலா 6.20 மி.மீ மழையும், செங்கோட்டையில் 4.60 மி.மீ மழையும் பதிவாகி உள்ளது. தென்காசியில் பெய்து வரும் மழை காரணமாகத் தென் தமிழகத்தில் உள்ள முக்கிய சுற்றுலாத் தளமான குற்றாலம் மெயின் அருவி, ஐந்தருவி, பழைய குற்றாலம் உள்ளிட்ட அனைத்து அருவிகளிலும் நீர்வரத்து அதிகரித்து, வெள்ளப்பெருக்கு ஏற்பட்டு உள்ளது.