சேலம்:சங்ககிரி மெய்யனபாளையத்தான் காட்டைச் சேர்ந்தவர் சக்திவேலின் மினி வேனில், அதே பகுதியைச் சேர்ந்த மாரியப்பன் (வயது 43), அவரின் சகோதரரான மாற்றுத்திறனாளி பழனி (வயது 45), அவர்களின் உறவினர்கள் நான்கு பேர், 40 செம்மறி ஆடுகளை வாங்கிக் கொண்டு திருச்செங்கோட்டில் இருந்து சங்ககிரி நோக்கி வந்து கொண்டு இருந்தனர். நேற்று மதியம் 12 மணி அளவில் சங்ககிரி அருகே மோடிக்காடு பஸ் ஸ்டாப் அருகே வந்துள்ளனர்.
அப்போது சேலம் மாவட்டம் ஆத்தூரைச் சேர்ந்த மணிகண்டன் (வயது 23) என்பவர் லாரியில் எதிரே வந்தார். அதிக அளவு வைக்கோல் போரை ஏற்றிக்கொண்டு வந்த மணிகண்டனது லாரி, வேனின் பின்புறம் மோதியது. இதனால் வேனின் பின்புறம் அமர்ந்திருந்த பழனி படுகாயம் அடைந்தார். மேலும் லாரியை நிறுத்தாமல் ஓட்டி சென்றார். அச்சமயத்தில் திருச்செங்கோட்டில் இருந்து எடப்பாடி செல்வதற்கு சேலம் மாவட்ட ஆட்சியர் கார்மேகம் காரில் வந்து கொண்டிருந்தார்.
இதையும் படிங்க:Salem Accident: சேலம் சங்ககிரி வேன் விபத்தில் பலி எண்ணிக்கை 7-ஆக உயர்வு!