கோவைஅருகேஉக்கடம் கோட்டை ஈஸ்வரன் கோவில் முன்பாக இன்று(அக்.23) அதிகாலை மாருதி கார் ஒன்று வெடித்து சிதறியது. இதில் காரில் இருந்த நபர் உடல் கருகி உயிரிழந்தார். இதனையடுத்து காவல் துறை உயர் அலுவலர்கள் சம்பவ இடத்தில் விசாரணை மேற்கொண்டனர்.
மேலும் தமிழ்நாடு காவல்துறைத்தலைவர் டிஜிபி சைலேந்திரபாபு சம்பவ இடத்தில் ஆய்வு மேற்கொண்டார். பின்னர் செய்தியாளர்களிடம் பேசிய அவர், காரில் இரண்டு சிலிண்டர் இருந்ததாகவும்; அதில் ஒன்று வெடித்துள்ளதாகவும் தெரிவித்தார்.
மேலும் தொடர்ந்து விசாரணை நடைபெற்று வருவதால் விசாரணை முடிவிலேயே இதற்கான காரணம் தெரியவரும் எனவும் கூறியிருந்தார். இந்நிலையில் கார் வெடித்த இடத்தில் ஆணிகளும், கோலி குண்டுகளும் கிலோ கணக்கில் சிதறி இருந்தது கண்டுபிடிக்கப்பட்டுள்ளது.