சென்னை:தூத்துக்குடி மாவட்டத்தைச் சேர்ந்த முத்து லிங்கராஜ் (29) வண்டலூரை அடுத்துள்ள கண்டிகையில் தங்கி ஏ.சி. மெக்கானிக்காக வேலை செய்து வந்தார்.
இவர் இன்று (ஜூலை 15) வழக்கம்போல் மதியம் வேலைக்குச் செல்வதற்காகத் தாம்பரம் - மதுரவாயல் பைபாசில் சென்று கொண்டிருந்தார். போரூர் அருகே சென்றபோது சாலையின் ஓரம் மோட்டார் சைக்கிளை நிறுத்திவிட்டு, சிறுநீர் கழித்துக் கொண்டிருந்தார்.
எதிர்பாராத விபத்து
அப்போது மதுரவாயல் நோக்கி வேகமாக சென்ற லாரியின் பின்சக்கரம் திடீரென கழன்று சாலையோரம் சிறுநீர் கழித்துக் கொண்டிருந்த முத்து லிங்கராஜ் மீது வேகமாக மோதியது.
இதில் நிலைகுலைந்த முத்து லிங்கராஜ் கீழே விழுந்து பலத்த காயமடைந்து மயங்கினார்.