ஹைதராபாத் : ஸ்மார்ட் போன்கள் மற்றும் மின்னணு கருவிகளில் பயன்படுத்தப்படக் கூடிய சீன நாட்டின் 59 செயலிகள் கடந்தாண்டு ஜூன் 29ஆம் தேதி தடை விதிக்கப்பட்டன. தொடர்ந்து செப்டம்பர் 2ஆம் தேதி பப்ஜி உள்ளிட்ட 118 சீன செயலிகள் தடை விதிக்கப்பட்டன.
இறையாண்மைக்கு அச்சுறுத்தல்
இதையடுத்து அமெரிக்காவிலும் டிக் டாக் உள்ளிட்ட சீன செயலிகளுக்கு பாதுகாப்பு கருதி அந்நாட்டு அரசு தடை விதித்தது. இந்திய இறையாண்மைக்கும், ஒருமைப்பாட்டிற்கும், பாதுகாப்பிற்கும் அச்சுறுத்தலாக இருந்ததால் மத்திய அரசு இந்த முடிவை எடுத்திருந்தது. அந்த 59 செயலிகளில் டிக் டாக், ஷேர் இட் முக்கியமானவை ஆகும்.
அலிபே கேஷியர், பப்ஜிக்கு தடை
இந்நிலையில் அடுத்த சில மாதங்களில் தகவல் தொழிற்நுட்பச் சட்டத்தின் கீழ் மேலும் 118 சீனச் செயலிகள் தடை விதிக்கப்பட்டன. இதில் சீனாவின் இணையவழி வர்த்தக நிறுவனமான அலிபே கேஷியர், கேம் கார்டு, வீடேட் ஆகியவையும் முக்கியமானவை.