ରାଉରକେଲା:କାର୍ଯ୍ୟରତ ବନ ବିଭାଗ କର୍ମଚାରୀଙ୍କ ଉପରକୁ ପଥର ମାଡ଼ । ଚଢ଼ାଉ ବେଳେ ଆକ୍ରମଣର ଶିକାର ହେଲେ ବନ ବିଭାଗ କର୍ମଚାରୀ । ପଥରମାଡ଼ରେ ଜଣେ କର୍ମଚାରୀ ଗୁରୁତର ଆହତ ହୋଇଥିବା ସୂଚନା । ସୁନ୍ଦରଗଡ଼ ଜିଲ୍ଲା ବଣେଇ ରେଞ୍ଜର ଫଳସା ଘାଟଠାରେ ଘଟିଛି ଏହି ଅଭାବନୀୟ ଘଟଣା । କାଠ ଚୋରା ଚାଲଣ ଘଟଣାରେ ଚଢାଉ ବେଳେ ବନବିଭାଗ କର୍ମଚାରୀଙ୍କୁ ଅସହଯୋଗ କରିବା ସହ ପଥରମାଡ଼ କରାଯାଇଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ଅଭିଯୁକ୍ତ ଗିରଫ ହୋଇଥିବା ବେଳେ ତଦନ୍ତ ଜାରି ରହିଛି ।
ବଣେଇ ରେଞ୍ଜ ଅଧିକାରୀଙ୍କ ସୂଚନା ମୁତାବକ, ସୁନ୍ଦରଗଡ଼ ଜିଲ୍ଲା ବଣେଇ ରେଞ୍ଜର ଫଳସା ଘାଟ ଗ୍ରାମର ଚନ୍ଦ୍ର ଶେଖର ସାହୁଙ୍କ ଘରେ ବେଆଇନ କାଠପଟା ଥିବା ଏବଂ ଏହାକୁ ବିକ୍ରି ତଥା ଚୋରାଚାଲାଣ କରାଯାଉଥିବା ନେଇ ବନବିଭାଗକୁ ବିଶେଷ ସୁତ୍ରରୁ ଖବର ମିଳିଥିଲା । ଏହି ଖବର ପାଇବା ପରେ ସୋମବାର ସନ୍ଧ୍ୟାରେ ବଣେଇ ବନ ବିଭାଗ କର୍ମଚାରୀ ଚଢାଉ କରିବା ପାଇଁ ଯାଇଥିବା ବେଳେ ପରିବାର ଲୋକେ ତାଙ୍କୁ ସହଯୋଗ କରି ନଥିଲେ ଓ ଘରେ ପଶିବାକୁ ଦେଇ ନଥିଲେ । ବିନା ମାଜିଷ୍ଟ୍ରେଟଙ୍କ ଅର୍ଡରରେ ଘରେ କାହିଁକି ଚଢ଼ାଉ ହେବ ବୋଲି ପ୍ରଶ୍ନ କରିଥିଲେ ।
ଏହାମଧ୍ୟ ପଢନ୍ତୁ..ବେଆଇନ ବାଲି ଚାଲାଣ ବେଳେ ପୋଲିସକୁ ଆକ୍ରମଣ, ୫ ଗିରଫ