ସମ୍ବଲପୁର: ଗଙ୍ଗାଧର ମେହେର ବିଶ୍ୱବିଦ୍ୟାଳୟର ହଷ୍ଟେଲରେ ଛାତ୍ରର ସନ୍ଦେହଜନକ ମୃତଦେହ ଠାବ ମାମଲା । ଏନେଇ ପୋଲିସର ତଦନ୍ତ ଜାରି । ତେବେ ପ୍ରାଥମିକ ତଦନ୍ତରୁ ଏହା ଛାତ୍ର ଘନଶ୍ୟାମ କରୁଆ ଆତ୍ମହତ୍ୟା କରିଛନ୍ତି ବୋଲି ପୋଲିସ ପକ୍ଷରୁ ସୂଚନା ମିଳିଛି । ଚାକିରି ନମିଳିବା ଚିନ୍ତା ଓ ଅବସାଦରୁ ଏହି ଆତ୍ମହତ୍ୟା ହୋଇଥିବା ପୋଲିସ ସୂଚନା ଦେଇଛି ।
ଏହାସହ ପୋଲିସକୁ ଏକ ସୁସାଇଡାଲ ନୋଟ ମଧ୍ୟ ଛାତ୍ରର ରୁମରୁ ମିଳିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ତେବେ ପୋଲିସ ମୃତଦେହକୁ ଆଜି ବ୍ୟବଚ୍ଛେଦ କରିଲା ପରେ ପରିବାର ଲୋକଙ୍କୁ ହସ୍ତାନ୍ତର କରିଛି l ଏହାସହ ପୋଲିସ ଛାତ୍ରଙ୍କ ରୁମମେଟମାନଙ୍କୁ ମଧ୍ୟ ପଚରାଉଚରା କରିଛି । ତେବେ ଆସନ୍ତୁ ଦେଖିବା ସୁସାଇଟ ନୋଟରେ କଣ ଲେଖା ହୋଇଛି ।
ସୁସାଇଟ ନୋଟରେ ପ୍ରଥମ ଧାଡିରେ ଲେଖା ହୋଇଛି ‘‘ ସରି ମା, ଆଇ କୁଇଟ ‘sorry maa, i quit’ । ତାପରେ ସମ୍ବଲପୁରୀ ଭାଷାରେ ଲେଖା ହୋଇଛି, " ମା ମୁଇଁ ତତେ ଖୋବ୍ ଭଲ ପାଇସି । ବହୁତ ଟେ ପରୀକ୍ଷା ଦେଲି । କେଣ୍ଟା ଭି କ୍ଲିୟର ନାଇଁ ହେବାର । ମତେ ଖୋବ ଖରାପ ଲାଗୁଛେ ଗୋ । ଖାଲି ଓଡିଶା ପୋଲିସ କ୍ଲିୟର ହୋଇଥିଲା ଯେନଟା ମୁଇଁ ଜାନିକରି ଯଏନ ନାଇଁ କଲି । ମୋର ଇ ଷ୍ଟେପ ନେବାର ପଛେ କାହାର ବି ହାତ ନାଇନ । ମୁଇଁ ପୋଲିସ ଡିପାଟମେଣ୍ଟକୁ ଅନୁରୋଧ କରମୀ, ଯେ ମୋର ଡେଥ୍ ପରେ ମୋର ପରିବାର ମୋର ମା, ଦାଦା,ବାପାଙ୍କୁ ହଇରାଣ ନାଇଁ କରାଯାଉ । ମା, ଦାଦା, ବାପା ଭଲସେ ଥିବ l ’’
ଏହା ମଧ୍ୟ ପଢନ୍ତୁ....ସନ୍ଦେହଜନକ ଅବସ୍ଥାରେ ଛାତ୍ରଙ୍କ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ଚାଲିଛି ତଦନ୍ତ