ଉନ୍ନତ ପାଳନ ପୋଷଣ ମାଧ୍ୟମରେ ପ୍ରତିଟି ଶିଶୁର ପ୍ରଥମ ଏକ ହଜାର ଦିନକୁ ହସଖୁସିରେ ଭରି ଦେବା ପାଇଁ ନୀତି ଆୟୋଗର (Niti Aayog) ସ୍ବତନ୍ତ୍ର କାର୍ଯ୍ୟକ୍ରମ କୋରାପୁଟରେ ଆୟୋଜିତ ହୋଇଛି । ସାରା ଦେଶର କେବଳ ଦୁଇଟି ଜିଲ୍ଲାରେ ଏହି କାର୍ଯ୍ୟକ୍ରମ ଆରମ୍ଭ ହୋଇଛି । ଅଧିକ ପଢ଼ନ୍ତୁ
କୋରାପୁଟ: ଶିଶୁକୁ ଉନ୍ନତ ପୋଷଣ ଦେବାରେ ଆଉ ଦୁଇ ପାଦ ଆଗେଇଛନ୍ତି ସରକାର । ଉନ୍ନତ ପାଳନ ପୋଷଣ ମାଧ୍ୟମରେ(Poshan Abhiyaan) ପ୍ରତିଟି ଶିଶୁର ପ୍ରଥମ ଏକ ହଜାର ଦିନକୁ(first 1000 days ) ହସଖୁସିରେ ଭରି ଦେବା ପାଇଁ ନୀତି ଆୟୋଗର ସ୍ବତନ୍ତ୍ର କାର୍ଯ୍ୟକ୍ରମ କୋରାପୁଟରେ ଆୟୋଜିତ ହୋଇଛି । ସାରା ଦେଶର କେବଳ ଦୁଇଟି ଜିଲ୍ଲାରେ ଏହି କାର୍ଯ୍ୟକ୍ରମ ଆରମ୍ଭ ହୋଇଛି ।
ଓଡ଼ିଶାର କୋରାପୁଟ ଓ ଉତ୍ତର ପ୍ରଦେଶର ଫତେପୁର ଜିଲ୍ଲାର ଅଙ୍ଗନବାଡ଼ି କେନ୍ଦ୍ର ଓ ପ୍ରାଥମିକ ସ୍ଵାସ୍ଥ୍ୟ କେନ୍ଦ୍ରରେ ମାତୃ ଓ ଶିଶୁ ସ୍ବାସ୍ଥ୍ୟ ଉପରେ ସ୍ବତନ୍ତ୍ର ଦୃଷ୍ଟି ଦେବା ପାଇଁ ଏହା ଏକ ପାଇଲଟ ପ୍ରୋଜେକ୍ଟ ଭାବେ କାର୍ଯ୍ୟ କରିବ । ଏହାର ସଫଳତା ଦେଶର ଅନ୍ୟସ୍ଥାନରେ ବ୍ୟାପକ ଭାବେ କାର୍ଯ୍ୟକ୍ଷମ କରାଯିବ ବୋଲି କୋରାପୁଟ ଜିଲ୍ଲାପାଳ ଅବଦୁଲ ଅକ୍ତର କରିଛନ୍ତି । ଜିଲ୍ଲା ପ୍ରଶାସନକୁ ଏହି କାର୍ଯ୍ୟରେ ସହଯୋଗ କରିବା ପାଇଁ ବିକ୍ରମ ସିଲା ସ୍ଵେଚ୍ଛାସେବୀ ସଂଗଠନ ଆଗକୁ ଆସିଥିବା ସେ ଜଣାଇଛନ୍ତି ।