କୋରାପୁଟ :କୋଟିଆ ପ୍ରସଙ୍ଗରେ ଗୁରୁବାର ରାଜ୍ୟ ବିଧାନସଭାରେ ରାଜସ୍ବ ମନ୍ତ୍ରୀ ପ୍ରମିଳା ମଲ୍ଲିକଙ୍କ ବୟାନକୁ ନେଇ କୋରାପୁଟରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଛି । ପ୍ରମିଳା ମଲ୍ଲିକ କୋଟିଆରେ ଚାଲିଥିବା ବିକାଶ , ଖର୍ଚ୍ଚ ତଥା ଆନ୍ଧ୍ରର ଅନୁପ୍ରବେଶ କଥା ଜାଣି ନଥିବା ଓ ସରକାର ବର୍ତ୍ତମାନ ତଥ୍ୟ ସଂଗ୍ରହ କରୁଥିବା କହିବା ପରେ ପ୍ରତିକ୍ରିୟା ପ୍ରକାଶ ପାଇଛି । ସେହିପରି ମନ୍ତ୍ରୀଙ୍କ ଏପରି ବୟାନକୁ ନେଇ କୋରାପୁଟର ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି ।
କୋଟିଆ ପ୍ରସଙ୍ଗରେ ରାଜସ୍ବ ମନ୍ତ୍ରୀଙ୍କ ବୟାନକୁ ନେଇ କୋରାପୁଟରେ ତୀବ୍ର ପ୍ରତିକ୍ରିୟା
ଗତ କିଛି ବର୍ଷ ପୂର୍ବେ ସଞ୍ଜୀବ ପଣ୍ଡାଙ୍କୁ ସରକାର କୋଟିଆ ବିଷୟରେ ଅନୁଧ୍ୟାନ କରିବା ପାଇଁ ଅଫିସର ଅନ ସ୍ପେଶାଲ ଡ୍ୟୁଟି ଭାବେ ନିଯୁକ୍ତ କରିଥିଲେ । ଇତି ମଧ୍ୟରେ ରାଜ୍ୟ ମୁଖ୍ୟ ଶାସନ ସଚିବ ମଧ୍ୟ କୋଟିଆ ଅଞ୍ଚଳ ଗସ୍ତ କରିଛନ୍ତି । ଏଥି ସହିତ କୋରାପୁଟ ଜିଲ୍ଲାପାଳ ବାରମ୍ବାର ଗସ୍ତ କରି ସ୍ଥିତି ପରଖି ଥିବା ବେଳେ ଦକ୍ଷିଣାଞ୍ଚଳ ଆରଡିସି ମଧ୍ୟ କୋଟିଆରେ ଚାଲିଥିବା ବିକାଶ କାର୍ଯ୍ୟର ସମୀକ୍ଷା କରିଛନ୍ତି ।