କୋରାପୁଟ: ଜୟପୁର-କୋରାପୁଟ ଜାତୀୟ ରାଜପଥକଡରେ ଥିବା ପାଇନ ଗଛ ଜଙ୍ଗଲରେ ନିଆଁ ଲାଗିଯାଇଛି । ଘଟଣାସ୍ଥଳରେ ବନବିଭାଗ କର୍ମଚାରୀ ନିଆଁଲିଭା କାର୍ଯ୍ୟ ଜାରି ରଖିଛନ୍ତି ।
ଜୟପୁର-କୋରାପୁଟ ଜାତୀୟ ରାଜପଥ ନିକଟରେ ନିଆଁ
ସୂଚନା ଅନୁଯାୟୀ ଆଜି (ଗୁରୁବାର) ସନ୍ଧ୍ୟାରେ ହଠାତ୍ ନିଆଁ ଲାଗିଯାଇଥିଲା । ଚାହୁଁ ଚାହୁଁ ନିଆଁ ଗୋଟିଏ ପରେ ଗୋଟିଏ ଗଛକୁ ବ୍ୟାପି ଯାଇଥିଲା । ଖବର ପାଇ ଘଟଣାସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ନିଆଁଲିଭା କାର୍ଯ୍ୟ ଜାରି ରଖିଛନ୍ତି । ଅନ୍ୟପଟେ ଖରାଦିନ ହୋଇଥିବାରୁ ପବନ ସାହାଯ୍ୟରେ ନିଆଁ ଅଧିକ ବ୍ୟାପିବା ଆଶଙ୍କା ଥିବାରୁ ସ୍ଥାନୀୟ ଲୋକେ ଆଗୁଆ ସତର୍କ ରହିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ