ବ୍ୟାସନଗର ପୌରପରିଷଦରେ କୋଭିଡ ନିୟମ ଅନୁଯାୟୀ ଆରମ୍ଭ ହେଲା ବିଭିନ୍ନ ମଣ୍ଡପରେ ମା ଦୁର୍ଗାଙ୍କ ସପ୍ତମୀ ପୂଜା। ଅଧିକ ପଢନ୍ତୁ...
ଯାଜପୁର :ମା' ଦୁର୍ଗାଙ୍କ ଆଗମନରେ ଚାରିଆଡ ଚଳଚଞ୍ଚଳ । ଯାଜପୁର ଜିଲ୍ଲା ବ୍ୟାସନଗର ପୌରପରିଷଦରେ କୋଭିଡ ନିୟମ ଅନୁଯାୟୀ ଆରମ୍ଭ ହୋଇଛି ବିଭିନ୍ନ ମଣ୍ଡପରେ ମା ଦୁର୍ଗାଙ୍କ ସପ୍ତମୀ ପୂଜା । କୋରାନା କଟକଣା ଯୋଗୁଁ ଚାରିଆଡେ ଖାଁ ଖାଁ ପୂଜା ମଣ୍ଡପ ।
ଚାଲିଛି ପାର୍ବଣ ଋତୁ। ମା'ଙ୍କ ଆଗମନରେ ଚଳଚଞ୍ଚଳ ହୋଇଉଠିଛି ପୂଜା ମଣ୍ଡପ । ବ୍ୟାସନଗର ପୌରାଞ୍ଚଳରେ ଆଜି ୬ଟି ସ୍ଥାନରେ କୋଭିଡ କଟକଣା ଭିତରେ ଚାଲିଛି ମା ଦୁର୍ଗାଙ୍କ ସପ୍ତମୀ ପୂଜା । ବ୍ୟାସନଗର ପୌରାଞ୍ଚଳରେ ପ୍ରତେକ ବର୍ଷ ଧୁମଧାମରେ ପାଳିତ ହୁଏ ମା ଦୁର୍ଗାଙ୍କ ପୂଜାର୍ଚ୍ଚନା । ମାତ୍ର ଚଳିତ ଥର କୋଭିଡ କଟକଣା ଯୋଗୁଁ ବ୍ୟାସନଗରର ମୁଣ୍ଡାମାଳ,ଚୋରଦା,ରାଇସିମିଲ,ବସଷ୍ଟାଣ୍ଡ ଓ ଧବଳଗିରି ଅଞ୍ଚଳରେ ଅତି ନିରାଡ଼ମ୍ବରରେ ପାଳିତ ହେଉଛି ମାଆଙ୍କ ପୂଜାର୍ଚ୍ଚନା ।
ସେପଟେ କୋଭିଡ ନିୟମକୁ ନଜର କରି ଯାଜପୁର ରୋଡ଼ ପୋଲିସ ପକ୍ଷରୁ ବ୍ୟାପକ ପୋଲିସ ବନ୍ଦୋବସ୍ତ କରାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
