ଜଗତସିଂହପୁରରେ ଅଜଣା ଗାଡ଼ି ଧକ୍କାରେ ପୋଲିସ କର୍ମଚାରୀଙ୍କ ମୃତ୍ୟୁ ଘଟିଥିବା ସୂଚନା । ଅଧିକ ପଢନ୍ତୁ
ଜଗତସିଂହପୁର:ଅଜଣା ଗାଡ଼ି ଧକ୍କାରେ ପୋଲିସ କର୍ମଚାରୀଙ୍କ ମୃତ୍ୟୁ ଘଟିଛି । କର୍ମଚାରୀ ଜଣକ ରାତି ଡ୍ୟୁଟି ସାରି ଭୋରରୁ ନିଜ ଗାଁକୁ ଫେରୁଥିବା ସମୟରେ ଘଟିଛି ଏହି ଦୁର୍ଘଟଣା । ପୋଲିସ କର୍ମଚାରୀଙ୍କୁ କେହି ଦୁର୍ବୃତ୍ତ ଗାଡି ଚଢାଇ ହତ୍ୟା କରିଛି ନା ଏହା ଆକସ୍ମିକ ଦୁର୍ଘଟଣା ଏହାକୁ ନେଇ ପୋଲିସ ତଦନ୍ତ ଆରମ୍ଭ କରିଛି।
ସୂଚନା ଅନୁଯାୟୀ ଗତକାଲି ସଞ୍ଜୟ ବେହେରା ନାମକ ଜଣେ ପୋଲିସ କର୍ମଚାରୀ ରାତି ଡ୍ୟୁଟି ସାରି ଭୋରରୁ ନିଜ ଗାଁ ଚାନ୍ଦୁରା ପଟେଣିଗାଁ ଘରକୁ ଫେରୁଥିବା ସମୟରେ ହଠାତ ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ହିଁ ପୋଲିସ କର୍ମଚାରୀଙ୍କ ମୃତ୍ୟୁ ହୋଇଯାଇଥିଲା । ଖବର ପାଇ ଜଗତସିଂହପୁର ଥାନାର ଅନ୍ୟ ପୋଲିସ କର୍ମଚାରୀ ତାଙ୍କୁ ଉଦ୍ଧାର କରି ଜଗତସିଂହପୁର ମେଡ଼ିକାଲକୁ ଆଣିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଘଟଣାସ୍ଥଳରୁ ଦୁର୍ଘଟଣା ଘଟାଇଥିବା ଗାଡି ଫେରାର ହୋଇଯାଇଛି । ତେବେ ପୋଲିସ କର୍ମଚାରୀଙ୍କୁ କେହି ଦୁର୍ବୃତ୍ତ ଗାଡି ଚଢାଇ ହତ୍ୟା କରିଛି ନା ଏହା ଆକସ୍ମିକ ଦୁର୍ଘଟଣା ଏହାକୁ ନେଇ ପୋଲିସ ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
ଜଗତସିଂହପୁରର ସୁଶାନ୍ତ କୁମାର ପାତ୍ର, ଇଟିଭି ଭାରତ
