ଢେଙ୍କାନାଳ: କୁମାର ପୂର୍ଣ୍ଣିମା ଠାରୁ ଆରମ୍ଭ ହୋଇଥିବା ଢେଙ୍କାନାଳର ପ୍ରସିଦ୍ଧ ଗଜଲକ୍ଷ୍ମୀ ପୂଜା ୧୧ ଦିନ ଧରି ବେଶ ଧୂମଧାମରେ ପାଳନ କରୁଛନ୍ତି ଢେଙ୍କାନାଳବାସୀ । ରଙ୍ଗିନ ଆଲୋକମାଳା ସାଙ୍ଗକୁ ପୂଜା ପ୍ରତିଷ୍ଠାନର ସାଜସଜାରେ ସଂପୂର୍ଣ୍ଣ ସହର ଝଲସି ଉଠିଛି । ତେବେ କେତେକ ପୂଜା ମଣ୍ଡପରେ ପ୍ରସ୍ତୁତ ଚାନ୍ଦି ମେଢ ଆଉ ମା'ଙ୍କ ପାଖରେ ଲାଗିଥିବା ସୁନା ଅଳଙ୍କାର ଦର୍ଶକ ମାନଙ୍କୁ ବେଶ ଆକର୍ଷିତ କରୁଛି ।
ଢେଙ୍କାନାଳରେ 4କୋଟି ଟଙ୍କାର ଚାନ୍ଦିରେ ଝଟକୁଛନ୍ତି ଧନଦାତ୍ରୀ
ଚଳିତ ବର୍ଷ ୩୮ ଟି ମଣ୍ଡପରେ ମା'ଙ୍କ ମୃଣୟୀ ମୂର୍ତ୍ତି ପୂଜା ପାଉଛନ୍ତି । ସେମାନଙ୍କ ମଧ୍ୟରୁ 4ଟି ପୂଜାମଣ୍ଡପରେ ମା ଚାନ୍ଦିମେଢରେ ଦର୍ଶନ ଦେଉଛନ୍ତି । ତେବେ ୧୧ ଦିନ ଧରି ବନ୍ଧୁ ବାନ୍ଧବଙ୍କ ମେଳରେ ଢେଙ୍କାନାଳବାସୀ ଏହି ପୂଜା ଉତ୍ସବକୁ ବେଶ ଧୁମଧାମରେ ପାଳୁଛନ୍ତି । ପୂଜା ପ୍ରତିଷ୍ଠାନମାନଙ୍କ ପକ୍ଷରୁ ଆଲୋକ ସଜା ଠାରୁ ଆରମ୍ଭ କରି ନଭଚୂମ୍ଭୀ ତୋରଣ ଓ ମଣ୍ଡପର ସାଜସଜା ଚଳିତ ବର୍ଷ ବେଶ୍ ମନୋରମ ହୋଇଛି । ପୂଜା ବଜାରରେ ସୁସ୍ବାଦୁ ଖାଦ୍ୟ ସାଙ୍ଗକୁ ବିଭିନ୍ନ ଦୋଳିର ମଜା ନେଉଛନ୍ତି ଦର୍ଶକ ।