ଢେଙ୍କାନାଳ: ଆସନ୍ତା ୩୦ ତାରିଖରୁ ପାରମ୍ପରିକ ଢେଙ୍କାନାଳର ଲକ୍ଷ୍ମୀପୂଜା । ଲକ୍ଷ୍ମୀପୂଜା ମିଳିତ ବଜାର କମିଟିକୁ ନେଇ ପ୍ରଶାସନର ସମନ୍ୱୟ ବୈଠକ ଅନୁଷ୍ଠିତ ହୋଇଯାଇଛି । ଚଳିତ ବର୍ଷ କୋରୋନା କଟକଣା ମଧ୍ୟରେ ପାଳିତ ହେବ ମା'ଙ୍କ ପୂଜା।
ଲକ୍ଷ୍ମୀପୂଜା ମିଳିତ ବଜାର କମିଟିକୁ ନେଇ ପ୍ରଶାସନର ସମନ୍ୱୟ ବୈଠକ
ଜିଲ୍ଲାପାଳ ଭୁମେଶ ଚନ୍ଦ୍ର ବେହେରାଙ୍କ ଅଧ୍ୟକ୍ଷତାରେ ଏହି ବୈଠକରେ ଲକ୍ଷ୍ମୀପୂଜା ମିଳିତ ବଜାର କମିଟିର ସଭାପତି, ଶାନ୍ତି କମିଟିର ସଭାପତି, ପୋଲିସ ପ୍ରଶାସନ ପକ୍ଷରୁ ଅତିରିକ୍ତ ଏସପି ଓ ଉପଜିଲ୍ଲାପାଳଙ୍କ ସମେତ ପ୍ରଶାସନିକ ଅଧିକାରୀମାନେ ଉପସ୍ଥିତ ଥିଲେ । ଚଳିତ ବର୍ଷ ମହାମାରୀ କୋରୋନା ସଂକ୍ରମଣ ଆଶଙ୍କାକୁ ଆଖି ଆଗରେ ରଖି କୋଭିଡ ଗାଇଡ଼ ଲାଇନ ମଧ୍ୟରେ ଆସନ୍ତା ୩୦ ତାରିଖରୁ ନଭେମ୍ବର ୮ ତାରିଖ ପର୍ଯ୍ୟନ୍ତ ପୂଜା ହେବ । କୌଣସି ଉତ୍ସବ କିମ୍ବା ବାଦ୍ୟଯନ୍ତ୍ର ସାଜସଜ୍ଜା ଓ ସାଧାରଣ ଦର୍ଶନ ଉପରେ କଡା କଟକଣା ରହିଛି ।
କୋଭିଡ ନୀତି ନିୟମ ମଧ୍ୟରେ କେବଳ ପରମ୍ପରା ରଖି ମା'ଙ୍କ ପୂଜାରେ ସୀମିତ ରହିବ ଏହି ଉତ୍ସବ । ନଭେମ୍ବର ୯ ତାରିଖରେ ବିନା ଶୋଭାଯାତ୍ରାରେ ମା'ଙ୍କର ବିସର୍ଜନ ପୂର୍ବାହ୍ନ ୧୧ଟା ମଧ୍ୟରେ ସାରିବାକୁ ଏହି ବୈଠକରେ ନିଷ୍ପତ୍ତି ହୋଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ