ଢେଙ୍କାନାଳ: ଯାତ୍ରା ପଡିଆରେ ଶୋଇଥିବା ବେଳେ ମାଆ ପୁଅଙ୍କ ଉପରେ ଚଢିଗଲା ଟ୍ରକ । ଦୁର୍ଘଟଣାରେ ଉଭୟ ମାଆ ଓ ୭ ବର୍ଷୀୟ ନାବାଳକ ପୁଅର ମୃତ୍ୟୁ ହୋଇଛି । ସୋମବାର ବିଳମ୍ବିତ ରାତିରେ ଢେଙ୍କାନାଳ ଜିଲ୍ଲା ମହାବିରୋଡ଼ ଥାନା ଅନ୍ତର୍ଗତ କୁଟୁରିଆ ଯାତ୍ରା ପଡିଆରେ ଘଟିଛି ଏଭଳି ଅଭାବନୀୟ ଘଟଣା । ମୃତକ ହେଲେ ରୁନୁ ପ୍ରଧାନ ଓ ତାଙ୍କର ପୁଅ ଲିପୁ ପ୍ରଧାନ । ତେବେ ଦୁର୍ଘଟଣା ଘଟାଇ ଟ୍ରକ ଡ୍ରାଇଭର ଫେରାର ହୋଇଯାଇ ଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଏହାମଧ୍ୟ ପଢନ୍ତୁ..Bahanaga train tragedy: ଅଚିହ୍ନା 28 ମୃତଦେହର ହେବ ସଂସ୍କାର, SOP ଜାରି କଲା BMC
ଢେଙ୍କାନାଳ ଜିଲ୍ଲାର ମହାବିରୋଡ଼ ଥାନା ଅନ୍ତର୍ଗତ କୁଟୁରିଆ ଯାତ୍ରା ପଡିଆରେ ବିଳମ୍ବିତ ରାତିରେ ମର୍ମନ୍ତୁଦ ଦୁର୍ଘଟଣା ଘଟିଛି । ମାଆ କୋଳରେ ଶୋଇଥିବା ବେଳେ ଟ୍ରକ ଚଢିଯିବାରୁ 7 ବର୍ଷିୟ ପୁଅ ସହ ମାଆର ମୃତ୍ୟୁ ଘଟିଛି । ଗତକାଲି ଯାତ୍ରା ପଡିଆରେ ବିଳମ୍ବିତ ରାତିରେ ରୁନୁ ପ୍ରଧାନ, ତାଙ୍କ ମାଆ ଚିତ୍ର ପ୍ରଧାନ, ୨ଟି ଛୁଆ ଓ କିଛି ଦୂରରେ ସ୍ବାମୀ ତ୍ରିନାଥ ପ୍ରଧାନ ଶୋଇଥିଲେ । ମାତ୍ର ଏହି ପଡିଆରେ ଏକ ଟ୍ରକ ପଛେଇ ଆସି ଅସାବଧାନତା ବଶତଃ ଶୋଇଥିବା ମାଆ ଓ ପୁଅଙ୍କ ଉପରେ ଚଢିଯାଇଥିଲା । ଗୁରୁତର ଅବସ୍ଥାରେ ଉଭୟଙ୍କୁ ପ୍ରଥମେ ପରଜଙ୍ଗ ମେଡିକାଲକୁ ନିଆଯାଇଥିବା ବେଳେ ସେଠାରେ ମାଆର ମୃତ୍ୟୁ ଘଟିଥିଲା । ନାବାଳକ ପୁଅକୁ ପରଜଙ୍ଗ ହସ୍ପିଟାଲରୁ କାମାକ୍ଷାନଗର ହସ୍ପିଟାଲରକୁ ସ୍ଥାନାନ୍ତର କରାଯାଉଥିବା ବେଳେ କାମାକ୍ଷାନଗରଠାରେ ତାଙ୍କର ମୃତ୍ୟୁ ହୋଇଥିଲା ।