ବରଗଡ଼: ଆଜି(ସୋମବାର) ମୁଖ୍ୟମନ୍ତ୍ରୀଙ୍କ ବରଗଡ଼ ଗସ୍ତ ଥିବା ବେଳେ ଏହାକୁ ବିରୋଧ କରି ବିରୋଧୀ କଂଗ୍ରେସ ଏବଂ କୋଶଲ ସେନା ପକ୍ଷରୁ ଅଣ୍ଡା ମାଡ଼ କରାଯାଇଛି । ବରଗଡ଼ ସହର ତଥା ଭଟଲି, ବିଜେପୁର ଓ ବରପାଲି ଅଞ୍ଚଳର ବହୁ ବିରୋଧୀ ନେତାଙ୍କୁ ଆଗୁଆ ଗିରଫ କରାଯାଇଥିବା ବେଳେ ଆଜି ମୁଖ୍ୟମନ୍ତ୍ରୀଙ୍କ ଗସ୍ତକୁ ବିରୋଧ କରି ଅଣ୍ଡାମାଡ଼ କରିଛି ବିରୋଧୀ ।
ନବୀନ ପଟ୍ଟନାୟକଙ୍କ ବରଗଡ଼ ଗସ୍ତକୁ ବିରୋଧ କରି ଅଣ୍ଡାମାଡ଼ କଲେ ବିରୋଧୀ
ସେହିପରି ବରଗଡ଼ରେ ବିଜୁ ମହିଳା ଜନତା ଦଳର ସଭାନେତ୍ରୀ ସ୍ନେହାଙ୍ଗିନୀ ଛୁରିଆଙ୍କୁ ଅଣ୍ଡାମାଡ଼ କରିଥିବା ବେଳେ ସ୍ବାସ୍ଥ୍ୟମନ୍ତ୍ରୀ ନବକିଶୋର ଦାସଙ୍କ ଗାଡିକୁ ମଧ୍ୟ ଅଣ୍ଡାମାଡ଼ ଓ କଳାପତାକା ପ୍ରଦର୍ଶନ କରାଯାଇଥିଲା । ତେବେ ସେମାନେ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମରେ ଯୋଗ ଦେବାକୁ ଗଲା ବେଳେ ବରଗଡ଼ ଏକାମ୍ର ଛକ, ହଲଦୀପାଲି ଛକ ଓ ଭିଭିନ୍ନ ଗ୍ରାମ ମାନଙ୍କରେ ପୂର୍ବରୁ ଜଗିରହି କୋଶଲ ସେନା ଓ କଂଗ୍ରେସ କର୍ମୀ ମାନେ ଅଣ୍ଡାମାଡ଼ କରିଥିବା ସୂଚନା ରହିଛି ।