ଅନୁଗୋଳ: ଛେଣ୍ଡିପଦା ବନାଞ୍ଚଳରେ ଜାରି ରହିଛି ହାତୀ ଆତଙ୍କ। ଗତକାଲି ଜଣଙ୍କୁ ମାରିବା ପରେ ଆଜି ମଧ୍ୟ ସେଇ ଦନ୍ତା ହାତୀ ତାର ଉତ୍ପାତ ଜାରି ରଖିଛି। ବନାଞ୍ଚଳ ଗୋଳାଗାଡ଼ିଆ ଗାଁରେ ହାତୀ ଆକ୍ରମଣରେ ତିନି ଜଣ ଗୁରୁତର ଆହତ ହେବା ସହିତ ହାତୀ ଜଣଙ୍କ ଘର ଭାଙ୍ଗିବା ସହ ସ୍ଥାନୀୟ ଅଞ୍ଚଳରେ ଉପଦ୍ରବ ଜାରି ରଖିଛି ।
ଅନୁଗୋଳରେ ଥମୁନି ହାତୀ ଆତଙ୍କ , ପୁଣି 3 ଆହତ
ସୂଚନା ଅନୁସାରେ ମଣ୍ଡୁଆ ଗ୍ରାମରେ ଦନ୍ତାହାତୀ ଗୋଳାଗାଡ଼ିଆ ଗାଁର ବୀର ସାହୁଙ୍କ ଆଜବେଷ୍ଟସ ଓ ଚାଳ ଛପର ଘର ଦୁଇବଖରା ଭାଙ୍ଗି ନଷ୍ଟ କରିଥିଲା। ଘର ଭାଙ୍ଗିବା ସମୟରେ ଘରେ ଥିବା ବୀର ସାହୁଙ୍କ ପୁଅ ଅଜିତଙ୍କୁ ଶୁଣ୍ଢରେ କଚାଡି ଦେଇଥିଲା ହାତୀ । ପରିବାର ଲୋକେ ଅଜିତକୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ।