ହାଇଦ୍ରାବାଦ: ଚମ୍ପିଆନ୍ସ ଟ୍ରଫି ୨୦୨୫ ଆୟୋଜନ କରିବ ପାକିସ୍ତାନ । ଏହି ହାଇପ୍ରୋଫାଇଲ ଆଇସିସି ଟୁର୍ଣ୍ଣାମେଣ୍ଟ ଆୟୋଜନ ଅଧିକାର ଚୁକ୍ତିନାମାରେ ସ୍ବାକ୍ଷର କରିବା ପାଇଁ ପାକିସ୍ତାନ କ୍ରିକେଟ ବୋର୍ଡ (ପିସିବି) ଆଗ୍ରହ ପ୍ରକାଶ କରିଛି । ହେଲେ ଏସିଆ କପ୍ ୨୦୨୩ ଆୟୋଜନ ଅଧିକାର ପାଇ ମଧ୍ୟ ଏକାକୀ ଆୟୋଜନ କରିପାରିନଥିଲା ପାକିସ୍ତାନ । ତେଣୁ ଚମ୍ପିଆନ୍ସ ଟ୍ରଫି ପାଇଁ ଭାରତ ଯଦି ସୁରକ୍ଷାଜନିତ କାରଣ ଦର୍ଶାଇ ପାକିସ୍ତାନ ଗସ୍ତ କରିବା ପାଇଁ ରାଜି ନହୁଏ, ତେବେ ସେଥିପାଇଁ ପିସିବି କ୍ଷତିପୂରଣ ଦାବି କରିବ ବୋଲି ମଧ୍ୟ ରିପୋର୍ଟ ପ୍ରକାଶ ପାଇଛି ।
ଚମ୍ପିଆନ୍ସ ଟ୍ରଫି ୨୦୨୫ ଆୟୋଜନ ଅଧିକାର ପାକିସ୍ତାନକୁ ଦେବା ପାଇଁ ଆଇସିସି ଏକ ପ୍ରକାର ସ୍ଥିର କରିସାରିଛି । ହେଲେ ଆଇସିସି ପରିଚାଳନା କମିଟି ଏବଂ ପିସିବି ମଧ୍ୟରେ ଏପର୍ଯ୍ୟନ୍ତ କୌଣସି ଆଧିକାରୀକ ଚୁକ୍ତି ସ୍ବାକ୍ଷରିତ ହୋଇନାହିଁ । ହେଲେ ଭାରତରେ ଦିନିକିଆ ବିଶ୍ବକପ୍ ଚାଲିଥିବା ବେଳେ ଅହମ୍ମଦାବାଦ ଠାରେ ଆଇସିସି କାର୍ଯ୍ୟନିର୍ବାହୀ ବୋର୍ଡ ଅଧିକାରୀଙ୍କ ସହ ପିସିବି ଚେୟାରମ୍ୟାନ ଜାକା ଅଶ୍ରଫ ଓ ସିଓଓ ସଲ୍ମାନ ନାସିର୍ଙ୍କ ମଧ୍ୟରେ ଏ ସଂକ୍ରାନ୍ତରେ ଆଲୋଚନା ହୋଇଥିବା ପିସିବି ସୂତ୍ରରୁ ଜଣାପଡ଼ିଛି ।
ଏହା ମଧ୍ୟ ପଢ଼ନ୍ତୁ...ତୁଟିନି ଏସିଆ କପ୍ ବିବାଦ: ପାକିସ୍ତାନରେ ଅଧିକ ମ୍ୟାଚ୍ ଆୟୋଜନ ପାଇଁ ଦାବି ରଖିବ ପିସିବି