ମୁମ୍ବାଇ: ତେଲୁଗୁ ଫିଲ୍ମ ଅଭିନେତା ବିଜୟ ଦେବରକୋଣ୍ଡା ସୋସିଆଲ ମିଡିଆରେ ତାଙ୍କ ଭାବମୂର୍ତ୍ତିକୁ ବିକୃତ କରୁଥିବା ଅନ୍ୟ ୱେବସାଇଟମାନଙ୍କୁ ଏକ ଶକ୍ତ ଜବାବ ଦେଇଛନ୍ତି । ଅର୍ଜୁନ ରେଡ୍ଡୀ ସିନେମାର ଅଭିନେତା ଯିଏ କି ସବୁବେଳେ ନିଜର ନିର୍ମଳ ଭାବମୂର୍ତ୍ତି ପାଇଁ ଦର୍ଶକମାନଙ୍କ ଗହଣରେ ବେଶ ଜଣାଶୁଣା ।
ସୋମବାର ଦିନ ବିଜୟ ତାଙ୍କ ଟ୍ୱିଟରକୁ ଯାଇ ଲେଖିଥିଲେ ଯେ, ଯଦି କେହି ନିଜର ସତ ଲୁଚେଇବାକୁ ଯାଇ ଏକ ମିଥ୍ୟା କାହାଣୀର ସହାୟତା ନେଇ ମୋର ବ୍ୟକ୍ତିତ୍ବ ଉପରେ ପ୍ରଶ୍ନ କରେ ତେବେ ମୁଁ କହିବି ଯେ, ଆମ ସମାଜ ବର୍ତ୍ତମାନ ବିପଦରେ ଅଛି । ଏହି ଭିଡିଓଟି ହେଉଛି ମୋର ଲୋକମାନଙ୍କ ପ୍ରତି ଦାୟିତ୍ବ ।
ବିଜୟ ଆହୁରି ମଧ୍ୟ ଲେଖିଛନ୍ତି ଯେ, ଯିଏ ମୋର ଭାବମୃର୍ତ୍ତି ନଷ୍ଟ କରିବାକୁ ଚେଷ୍ଟା କରୁଛନ୍ତି, ଏହାସହ ମୋ ବିଷୟରେ ଖରାପ ସମାଲୋଚନା କରୁଥିବା ବ୍ୟକ୍ତିମାନଙ୍କୁ ଏବଂ ମୋ ବିଷୟରେ ଅଜ୍ଞାନ ଭଳି ଲେଖିବା ପାଇଁ ଚେଷ୍ଚା କରୁଥିବା ବ୍ୟକ୍ତିମାନଙ୍କୁ ମୁଁ ସ୍ବାଗତ କରୁଛି । ତେବେ ବିଜୟଙ୍କ ଏହି ଟ୍ବଟ ସଂପୃର୍ଣ୍ଣ ତେଲୁଗୁ ସିନେମା ଜଗତରେ ଏକ ଆଲୋଡନ ସୃଷ୍ଟି କରିଛି ।