ନୂଆଦିଲ୍ଲୀ:ଟୋକିଓ ଅଲମ୍ପିକ୍ସରେ ପ୍ରତିଯୋଗିତାରେ ପଦକ ହାସଲ କରିବାରେ ବିଫଳ ହୋଇଛି ଭାରତୀୟ ମହିଳା ହକି ଦଳ । ବଲିଉଡ ସୁପରଷ୍ଟାର ଶାହରୁଖ ଖାନ ଶୁକ୍ରବାର ଦଳକୁ ସମବେଦନା ଜଣାଇଛନ୍ତି । ହାର ସତ୍ତ୍ବେ ମହିଳା ଦଳ ପୁରା ଦେଶବାସୀଙ୍କୁ ପ୍ରେରିତ କରିଛି ବୋଲି କହିଛନ୍ତି ଶାହରୁଖ ।
ଚଳିତ ଅଲମ୍ପିକ୍ସରେ ବ୍ରୋଞ୍ଜ ମେଡାଲ ଜିତିବାରେ ବିଫଳ ହୋଇଛି ଦଳ । ଗ୍ରେଟ ବ୍ରିଟେନଠାରୁ ଦଳ ପରାସ୍ତ ହୋଇଥିଲା । ତଥାପି ଦଳର ପ୍ରତିଟି ପ୍ରତିଯୋଗୀଙ୍କ ଲଢୁଆ ପ୍ରଦର୍ଶନ ପାଇଁ ଦେଶବାସୀ ଗର୍ବ ଅନୁଭବ କରିଛନ୍ତି । କିନ୍ତୁ ମହିଳା ହକି ଦଳର ଏହି ଲଢୁଆ ପ୍ରଦର୍ଶନ ପାଇଁ ଶାହରୁଖ ସୋସିଆଲ ମିଡିଆରେ ସେମାନଙ୍କୁ ପ୍ରଶଂସା କରିଛନ୍ତି । ଦଳ ପଦକ ନ ଜିତିବା ପରେ ନିଶ୍ଚିତ ଏହା ଦେଶବାସୀଙ୍କୁ କଷ୍ଟ ଦେଇଥିଲା । ତଥାପି ମହିଳା ଦଳ ଲଢୁଆ ପ୍ରଦର୍ଶନ କରି ଭାରତକୁ ଗର୍ବିତ କରିଛନ୍ତି ବୋଲି ସେ କହିଛନ୍ତି । ଏହା ମଧ୍ୟ ଦେଶ ପାଇଁ ଜିତ୍ ବୋଲି ସେ କହିଛନ୍ତି ।