ହାଇଦ୍ରାବାଦ: ୫ ରାଜ୍ୟରେ ଆଜି ସକାଳ ୮ଟାରୁ ଆରମ୍ଭ ହୋଇଛି ଭୋଟ ଗଣତି। ବହୁ ହେଭିୱେଟ ନେତାଙ୍କ ଭାଗ୍ୟ ନିର୍ଦ୍ଧାରଣ ହେଉଛି । କାହା ମୁଣ୍ଡରେ ହାତୀ ସୁନା କଳସ ଢାଳିବ, କିଏ ଗାଦିରେ ବସିବ । ତାହାର ଫଇସଲା ଆଜି ହିଁ ଜଣାପଡ଼ିବ । ପଞ୍ଜାବ ବିଧାନସଭା ନିର୍ବାଚନରେ ଏଥର ଆଗରେ ରହିଛି ଆପ୍। ଏପରିକି କଂଗ୍ରେସ, ବିଜେପିକୁ ପଛରେ ପକାଇ ଆପ୍ ସରକାର ଗଢ଼ିବ ବୋଲି ବହୁ ଏକଜିଟ୍ ପୋଲ୍ ସର୍ଭେ ରିପୋର୍ଟରୁ ପୂର୍ବରୁ ଜଣାପଡ଼ିଥିଲା । ତେବେ ଭୋଟ ଗଣତି ପୂର୍ବରୁ ଆପ୍ର ମୁଖ୍ୟମନ୍ତ୍ରୀ ପ୍ରାର୍ଥୀ ଭଗବନ୍ତ ମାନ ଆଜି ସଙ୍ଗରୁରସ୍ଥିତ ଗୁରୁଦ୍ୱାର ଯାଇ ସେଠାରେ ମାଥା ଟେକିଛନ୍ତି।
ବର୍ତ୍ତମାନ ସୁଦ୍ଧା ମିଳିଥିବା ଟ୍ରେଣ୍ଡ ଅନୁଯାୟୀ, ପଞ୍ଜାବରେ ପ୍ରସିଦ୍ଧ ହାସ୍ୟ ଅଭିନେତା ଭଗବନ୍ତ ମାନଙ୍କ ନେତୃତ୍ୱରେ ଆମ୍ ଆଦମୀ ପାର୍ଟି ସରକାର ଗଠନ କରିବାକୁ ଯାଉଛି । ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଏବଂ କଂଗ୍ରେସର ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନି, AAP ମୁଖ୍ୟମନ୍ତ୍ରୀ ପ୍ରାର୍ଥୀ ମାନଙ୍କଠୁ ଦୌଡ଼ରେ ବହୁ ପଛରେ ଅଛନ୍ତି । ଭଗବନ୍ତ ମାନଙ୍କ ବିଷୟରେ କହିବାକୁ ଗଲେ ସେ 2011 ମସିହାରୁ ରାଜନୀତିରେ ସକ୍ରିୟ ଅଛନ୍ତି ।
ତେବେ ଭଗବନ୍ତ ମାନଙ୍କୁ ଆମ୍ ଆଦମୀ ପାର୍ଟି ତରଫରୁ ପଞ୍ଜାବର ମୁଖ୍ୟମନ୍ତ୍ରୀ କରାଯିବ । AAP ମୁଖ୍ୟ ଏବଂ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପଞ୍ଜାବର ପ୍ରସିଦ୍ଧ ହାସ୍ୟ ଅଭିନେତା ଭଗବନ୍ତ ମାନଙ୍କ ଉପରେ ଏକ ବଡ଼ ବାଜି ଖେଳିଛନ୍ତି । କେଜ୍ରିୱାଲଙ୍କ ଏହି ଆଶା ବର୍ତ୍ତମାନ ବିଜୟରେ ପରିଣତ ହେବାକୁ ଲାଗୁଛି । ଆସନ୍ତୁ ଜାଣିବା, ଭଗବନ୍ତ ମାନ ଜଣେ ହାସ୍ୟ ଅଭିନେତାରୁ କେମିତି ହେଲେ ରାଜନେତା, ଯିଏ ବର୍ତ୍ତମାନ ପଞ୍ଜାବର ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି।
ଭଗବନ୍ତ ମାନ ପଞ୍ଜାବର ସଙ୍ଗରୁର ବିଧାନସଭାର ଏକ ହଟ ସିଟ୍ ଧୁରୀରୁ AAP ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରିଥିଲେ, ଯେଉଁଠାରେ ସେ ଆରମ୍ଭରୁ ଆଗେଇ ଆସୁଛନ୍ତି । ଧୁରୀ ବିଧାନସଭା ଆସନ ସଙ୍ଗରୁର ଜିଲ୍ଲାରେ ଅଛି । ଏହି ଆସନରେ ଭଗବନ୍ତ ମାନ କଂଗ୍ରେସ ବିଧାୟକ ଦଲବୀର ଗୋଲଡିଙ୍କ ସହ ପ୍ରତିଦ୍ୱନ୍ଦ୍ୱିତା କରୁଥିଲେ। କହିବାକୁ ଗଲେ ଜଟ ଶିଖ ଭୋଟରଙ୍କ ସଂଖ୍ୟା 34 ପ୍ରତିଶତ, ଅଣ-ଜଟ ଶିଖ 5 ପ୍ରତିଶତ, ଉଚ୍ଚ ଜାତିର 11 ପ୍ରତିଶତ, ଓବିସି 15 ପ୍ରତିଶତ ଏବଂ ଏସସି ଭୋଟରଙ୍କ ସଂଖ୍ୟା 28 ପ୍ରତିଶତ ଅଟେ।
ମାନଙ୍କ କାମରେ ଆସିଲାAAP?