ହାଇଦ୍ରାବାଦ:ବଲିଉଡର ପଙ୍ଗା କୁଇନ କଙ୍ଗନା ରଣାଓ୍ବତ ଆଜି ତାଙ୍କର ଜନ୍ମଦିନ ପାଳନ କରୁଛନ୍ତି । କଙ୍ଗନା 23 ମାର୍ଚ୍ଚ 1987ରେ ହିମାଚଳ ପ୍ରଦେଶରେ ଜନ୍ମଗ୍ରହଣ କରିଥିଲେ । କଙ୍ଗନା ଆଜି ବଲିଉଡର ଅନ୍ୟତମ ସଫଳ ଅଭିନେତ୍ରୀଙ୍କ ମଧ୍ୟରୁ ଜଣେ । ଏହା ବ୍ୟତୀତ କଙ୍ଗନା ନିଜର ଭିନ୍ନ ଅନ୍ଦାଜ ପାଇଁ ମଧ୍ୟ ଜଣାଶୁଣା । ଜନ୍ମଦିନ ଅବସରରେ, କଙ୍ଗନା କୌଣସି ବଡ଼ ସେଲିବ୍ରେସନ କରିନାହାଁନ୍ତି, ବରଂ ସେ ଏହି ଦିନକୁ ସ୍ୱତନ୍ତ୍ର କରିବା ପାଇଁ ମାତା ଭଗବତୀଙ୍କ ଆଶୀର୍ବାଦ ପାଇଁ ବୈଷ୍ଣୋ ଦେବୀଙ୍କ ନିକଟକୁ ଯାଇଛନ୍ତି ।
କଙ୍ଗନା ନିଜ ଇନଷ୍ଟାଗ୍ରାମ ଆକାଉଣ୍ଟରୁ ମାତା ବୈଷ୍ଣୋ ଦେବୀଙ୍କ କିଛି ଫଟୋ ସେୟାର କରିଛନ୍ତି । ଏହି ଫଟୋରେ ସେ ଏବଂ ତାଙ୍କ ଭଉଣୀ ରଙ୍ଗୋଲି ଏକାଠି ନଜର ଆସିଛନ୍ତି । ବୈଷ୍ଣୋ ଦେବୀ ଦର୍ଶନ ସମୟରେ କଙ୍ଗନା ଏକ ନୀଳ ଏବଂ ଲାଲ ସାଲୱାର ସୁଟରେ ନଜର ଆସିଛନ୍ତି ଏବଂ ତାଙ୍କ ମୁଣ୍ଡରେ ହଳଦିଆ ଡୁପାଟା ମଧ୍ୟ ରହିଛି । ଏହି ପାରମ୍ପାରିକ ଲୁକରେ ସେ ବହୁତ ସୁନ୍ଦର ଦେଖାଯାଉଛନ୍ତି ।