ମୁମ୍ବାଇ:ବର୍ତ୍ତମାନ ହଲିଉଡରେ ନିଜ କ୍ୟାରିୟର ଗଢିବାରେ ବ୍ୟସ୍ତ ଗ୍ଲୋବାଲ ଆଇକନ ତଥା ନିର୍ମାତା ପ୍ରିୟଙ୍କା ଚୋପ୍ରା ଜୋନସ । ହେଲେ ଫ୍ୟାନ୍ସ ତାଙ୍କୁ ପୁଣିଥରେ ହିନ୍ଦୀ ସିନେମାରେ ଦେଖିବାକୁ ଚାହୁଁଛନ୍ତି । ନିକଟରେ ତାଙ୍କ ଅଭିନୀତ ଫିଲ୍ମ ‘ଦ ହ୍ବାଇଟ ଟାଇଗର’ ନେଟଫ୍ଲିକ୍ସରେ ରିଲିଜ ହୋଇଥିଲା । ଯାହାକୁ ଅନେକ ପୁରସ୍କାରେ ପୁରସ୍କୃତ କରାଯାଇଛି । ଇତିମଧ୍ୟରେ ବଲିଉଡରେ ପୁଣି ନଜର ଆସିବା ଉପରେ ପ୍ରତିକ୍ରିୟା ରଖିଛନ୍ତି ପିସି ।
ଟ୍ବିଟରେ ଲାଇଭ୍ ସେକ୍ସନରେ ସେ ଫ୍ୟାନ୍ସଙ୍କୁ ଏହି ପ୍ରଶ୍ନର ଉତ୍ତର ମଜାଦାର ଅନ୍ଦାଜରେ ଦେଇଛନ୍ତି । ଜଣେ ଫ୍ୟାନ୍ସଙ୍କ ତାଙ୍କୁ ପ୍ରଶ୍ନ କରିଥିଲେ, ‘ତୁମର ଆଗାମୀ ବଲିଉଡ ଫିଲ୍ମ କଣ ହେବାକୁ ଯାଉଛି ?’ ଏହାର ଉତ୍ତରରେ ପ୍ରିୟଙ୍କା କହିଛନ୍ତି, ‘ଆସନ୍ତା ବର୍ଷ ଆସିବ ।’ ତାଙ୍କର ଏପରି ଜବାବ ଶୁଣି ବର୍ତ୍ତମାନ ଖୁସ୍ ହୋଇଯାଇଛନ୍ତି ସମସ୍ତେ । କାରଣ ସେ ନିଶ୍ଚିତ କରିଛନ୍ତି ଭାରତୀୟ ଫିଲ୍ମରେ ପୁଣି ନଜର ଆସିବା କଥା।