ବ୍ରାସିଲିଆ:ଲୁଲା ଡା ସିଲଭା ବ୍ରାଜିଲ ନୂଆ ରାଷ୍ଟ୍ରପତି ନିର୍ବାଚିତ ହୋଇଛନ୍ତି । ଜୈର ବୋଲସୋନାରୋଙ୍କୁ ଏକ କଡା ମୁକାବିଲାରେ ପରାସ୍ତ କରି ତୃତୀୟ ଥର ପାଇଁ ଲୁଲା ଡା ସିଲଭା ବ୍ରାଜିଲ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି । 20 ବର୍ଷ ପୂର୍ବ ସେ ସେ ବ୍ରାଜିଲ ରାଷ୍ଟ୍ରପତି ଭାବେ ପ୍ରଥମେ ଜିତିଥିଲେ । 98 ପ୍ରତିଶତରୁ ଉର୍ଦ୍ଧ୍ବ ଭୋଟର ତାଙ୍କ ସପକ୍ଷରେ ମତଦାନ ସାବ୍ୟସ୍ତ କରିଥିଲେ । ଲୁଲାଙ୍କ ସପକ୍ଷରେ 50.83 ପ୍ରତିଶତ ଭୋଟ ପଡିଥିଲା । ଜୈର ବୋଲସୋନାରୋଙ୍କୁ 49.17 ପ୍ରତିଶତ ଭୋଟ ମିଳିଥିଲା । ଲୁଲୁ ଡାଙ୍କ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବୋଲସୋନାରୋଙ୍କୁ ପାଖାପାଖି 21 ଲକ୍ଷ 39 ହଜାର ଭୋଟରେ ପରାସ୍ତ କରିଛନ୍ତି ଲୁଲା । ବୋଲସୋନାରୋଙ୍କୁ ପାଖାପାଖି 21 ଲକ୍ଷ 39 ହଜାର ଭୋଟରେ ପରାସ୍ତ କରିଛନ୍ତି ଲୁଲା ।
ଆସନ୍ତାବର୍ଷ ଜାନୁଆରୀ 1ରେ ଶପଥ ନେବେ ଲୁଲା ଡା ସୁଲଭା । ସେ ପର୍ଯ୍ୟନ୍ତ ବୋଲସୋନାରୋ ରାଷ୍ଟ୍ରପତି ଭାବେ କାର୍ଯ୍ୟ କରିବେ । ଚଳିତ ବର୍ଷ ଷଷ୍ଠ ଥର ପାଇଁ ରାଷ୍ଟ୍ରପତି ନିର୍ବାଚନ ଲଢିଥିଲେ 76 ବର୍ଷୀୟ ଲୁଲା ଡା ସିଲଭା । ଶେଷରେ ସେ ବିଜୟୀ ହୋଇଛନ୍ତି । ପ୍ରଥମ ଥର ପାଇଁ ସେ 1989 ରେ ନିର୍ବାଚନ ଲଢିଥିଲେ । ବର୍ତ୍ତମାନ ସେ ତୃତୀୟ ଥର ପାଇଁ ରାଷ୍ଟ୍ରପତି ହେବାକୁ ଯାଉଛନ୍ତି । 2003ରୁ 2010 ମଧ୍ୟରେ ସେ ଦୁଇଛର ଏହି ପଦରେ ଅଧିଷ୍ଠିତ ହୋଇଥିଲେ । ରାଜନୀତିକୁ ଆସିବା ପୂର୍ବରୁ ସେ ଏକ କାରଖାନାରେ କାମ କରୁଥିଲେ ।