ଭୁବନେଶ୍ବର:ହସ୍ପିଟାଲରେ ଭର୍ତ୍ତି ହେଲେ ଓଲିଉଡ ଅଭିନେତା ବାବୁସାନ ମହାନ୍ତି(Odia Film Actor Babusan Mohanty), ଅସୁସ୍ଥ ଅନୁଭବ କରିବାରୁ ବର୍ତ୍ତମାନ ସେ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ରହିଛନ୍ତି । ଗତ ୬ ଦିନ ହେବ ହସ୍ପିଟାଲରେ ତାଙ୍କର ଚିକିତ୍ସା ଜାରି ରହିଛି । ଏକ ଘରୋଇ ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ ୬ ଜଣିଆ ଡାକ୍ତରୀ ଦଳ ବାବୁସାନଙ୍କ ଚିକିତ୍ସା କରୁଛନ୍ତି । ବାବୁସାନ ହସ୍ପିଟାଲ ବେଡରେ ଶୋଇଥିବାର ଏକ ଫଟୋ 'ଦମନ' ଫିଲ୍ମର ନିର୍ଦ୍ଦେଶକ ବିଶାଳ ମୋର୍ଯ୍ୟ ସୋସିଆଲ ମିଡିଆରେ ସେୟାର କରିଛନ୍ତି । ଏଥିରେ ସେ ବାବୁସାନଙ୍କ ଆଶୁଆରୋଗ୍ୟ କାମ କରି ତମ ବିନା 'ଦମନ' ଫିଲ୍ମ ପ୍ରମୋସନ ଅଧୁରା ବୋଲି ଲେଖିଛନ୍ତି ନିର୍ଦ୍ଦେଶକ ବିଶାଳ । ତେବେ କୁହାଯାଉଛି ଯେ ଅମ୍ଳଜାନ ସ୍ତର କମିବାରୁ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି ।
ଅସୁସ୍ଥ ଅନୁଭବ କରିବାରୁ ହସ୍ପିଟାଲରେ ଭର୍ତ୍ତି ହେଲେ ଓଲିଉଡ ଅଭିନେତା ବାବୁସାନ ମହାନ୍ତି । ୫ଦିନ ହେଲା ଜାରି ରହିଛି ଚିକିତ୍ସା । ଅଧିକ ପଢନ୍ତୁ
ସୂଚନା ଅନୁଯାୟୀ ଆଗକୁ ପରଦା ଉପରକୁ ଆସିବାକୁ ଯାଉଛି ବାବୁସାନଙ୍କ ଅଭିନିତ ଫିଲ୍ମ 'ଦମନ', ଏଥି ପାଇଁ କିଛିଦିନ ସେ ଫିଲ୍ମ ସୁଟିଂରେ ବ୍ୟସ୍ତ ରହୁଥିଲେ, ଫିଲ୍ମ ପ୍ରମୋସନ ପାଇଁ ଗତ କିଛିଦିନ ପୂର୍ବରୁ ସେ ଲଦାଖ ଯାଇଥିଲେ । ସେଠାରେ ବାଇକ ଚଳାଇବା ପରେ ତାଙ୍କର ଅମ୍ଳଜାନ ସ୍ତର କମିଥିଲା । ପ୍ରାଥମିକ ଚିକିତ୍ସା ପରେ ସେ ଭୁବନେଶ୍ବର ଫେରିଥିଲେ, ପୁଣି ଅସୁସ୍ଥ ଅନୁଭବ କରିବାରୁ ଡାକ୍ତରଖାନାରେ ତାଙ୍କୁ ଭର୍ତ୍ତି କରାଯାଇଥିଲା, ଗତ ୫ଦିନ ହେବ ସେ ଚିକିତ୍ସାଧିନ ଅବସ୍ଥାରେ ରହିଛନ୍ତି । ବର୍ତ୍ତମାନ ତାଙ୍କ ନିକଟରେ ତାଙ୍କ ପରିବାର ସଦସ୍ୟ ଓ ପତ୍ନୀ ରହିଛନ୍ତି । ଆଉ କିଛିଦିନ ହସ୍ପିଟାଲରେ ରହିବା ପରେ ସେ ଘରକୁ ଫେରିବେ । ଏହି ଖବର ଜଣାପଡିବା ପରେ ବାବୁସାନଙ୍କ ପ୍ରଶଂସଙ୍କ ତାଙ୍କ ଆସୁ ଆରୋଗ୍ୟ କାମନା କରିଛନ୍ତି ।
କିଛିଦିନ ପୂର୍ବେ ଅଭିନେତ୍ରୀ ପ୍ରକୃତିଙ୍କ ସହ ସମ୍ପର୍କକୁ ନେଇ ବିବାବଦକୁ ଆସିଥିଲେ ବାବୁସାନ । ଏହାପରେ ଭିଡିଓ ଜାରି କରି ସେ ଓଡିଶାବାସୀଙ୍କୁ ଭୁଲ ମାଗିଥିଲେ । ଏକ ୩୭ ସେକେଣ୍ଡର ଭିଡିଓ ଜାରି କରି ହୋଇଥିବା ଘଟଣାର ଭୁଲ ମାଗିଥିଲେ । ଏହାସହ ତାଙ୍କ ପତ୍ନୀ ଓ ପରିବାରର କିଛି କ୍ଷତି ହେବାକୁ ଦେବେନି ବୋଲି ପ୍ରତିଶୃତି ଦେଇଥିଲେ । ''କିଛି ଦିନ ତଳେ ଯେଉଁ ଘଟଣାଟି ହୋଇଥିଲା, ତାହାକୁ ନେଇ ସମଗ୍ର ଓଡିଶାବାସୀଙ୍କୁ କ୍ଷମା ମାଗୁଛି । ମୋ ପତ୍ନୀ ତୃପ୍ତି ଓ ଶ୍ବଶୁର ଲଲିତ ଶତପଥୀଙ୍କୁ ମଧ୍ୟ ଭୁଲ ମାଗୁଛି । ଏପରିକି ମୋ ପତ୍ନୀ ଓ ଶ୍ବଶୁରଙ୍କ ନାଁରେ ଏକ କେସ ହୋଇଥିଲା । ଯେଉଁଥି ପାଇଁ ମୋ ପରିବାର ବହୁତ କଷ୍ଟ ପାଇଲେ । ଏଭଳି ଭୁଲ ଆଉ କେବେ ହେବ ନାହିଁ ବୋଲି ଭିଡିଓରେ କହିଥିଲେ ବାବୁସାନ'' ।