ବ୍ରହ୍ମପୁର: ସରକାରୀ ଡାକ୍ତର ପଦବୀରେ ଅଣଓଡିଆଙ୍କ ନିଯୁକ୍ତିକୁ ଦୃଢ ବିରୋଧ କରିଛନ୍ତି ବ୍ରହ୍ମପୁର ଏମ୍.କେ.ସି.ଜି ମେଡିକାଲର ଡାକ୍ତର ସଂଘ । ଏମକେସିଜି ମେଡିକାଲର ଜୁନିୟର ଡାକ୍ତରୀ ଛାତ୍ର , ଅଣ୍ଡର ଗ୍ରାଜୁଏଟ୍ ଡାକ୍ତର ସଙ୍ଘ ଓ ହାଉସ ସର୍ଜନ ସଙ୍ଘ ପକ୍ଷରୁ ଏ ନେଇ ଏମ୍.କେ.ସି.ଜି ର ମୁଖ୍ୟ ପ୍ରଶାସନିକ ଭବନ ସମୁଖରେ ଶାନ୍ତିପୂର୍ଣ୍ଣ ପ୍ରତିବାଦ କରାଯାଇଥିଲା ।
ସରକାରୀ ଡାକ୍ତର ପଦବୀରେ ଅଣଓଡିଆଙ୍କୁ ନିଯୁକ୍ତି, ବିରୋଧ କଲା MKCG ଡାକ୍ତର ସଂଘ ତେବେ ବାହାର ରାଜ୍ୟର ଡାକ୍ତରଙ୍କୁ ଓଡିଶା ପବ୍ଲିକ ସର୍ଭିସ କମିଶନ(ଓପିଏସସି) ପରୀକ୍ଷାରେ ସୁଯୋଗ ଦେବାକୁ ବିରୋଧ କରି ଏଭଳି ବିକ୍ଷୋଭ କରାଯାଇଥିଲା । ରାଜ୍ୟ ସରକାରଙ୍କ ଡ଼ାକ୍ତର ନିଯୁକ୍ତି ଆସିଥିବା ବିଜ୍ଞପ୍ତି ନେଇ ରାଜ୍ୟର ଡ଼ାକ୍ତର ମାନେ ସେମାନଙ୍କ ଅସମ୍ମତି ପ୍ରକାଶ କରିଛନ୍ତି ।
ସରକାରୀ ଡାକ୍ତର ପଦବୀରେ ଅଣଓଡିଆଙ୍କୁ ନିଯୁକ୍ତି, ବିରୋଧ କଲା MKCG ଡାକ୍ତର ସଂଙ୍ଘ ନୂତନ ବିଜ୍ଞପ୍ତି ଅନୁସାରେ ଅଣଓଡ଼ିଆ ଡାକ୍ତର ମାନେ ଓପିଏସ୍ ସି ପରୀକ୍ଷା ମାଧ୍ୟମରେ ରାଜ୍ୟରେ ନିଯୁକ୍ତି ଦେଇପାରିବେ । ସରକାରଙ୍କ ଏଭଳି ନିଷ୍ପତ୍ତିକୁ ନେଇ ଏମ୍.କେ.ସି.ଜି ମେଡିକାଲ ସଂଘ ସାରା ରାଜ୍ୟର ଡାକ୍ତରୀ ସଂଘ ସହିତ ଆଲୋଚନା କରିଥିବା ବେଳେ ଏ ନେଇ ଆଗାମୀ ଦିନରେ କାର୍ଯ୍ୟପନ୍ଥା ସ୍ଥିର କରାଯିବ ବୋଲି କୁହାଯାଇଛି ।
ରାଜ୍ୟରେ ସରକାରୀ ଡାକ୍ତରୀ ପଦବୀ ସୀମିତ ଥିବା ବେଳେ ବହୁ ଏମବିବିଏସ ଉତ୍ତୀର୍ଣ୍ଣ ବିଦ୍ୟାର୍ଥୀ ନିଯୁକ୍ତି ପାଇବାରୁ ବଞ୍ଚିତ ହେଉଛନ୍ତି । ସରକାରଙ୍କ ନୂତନ ପି.ଏଚ୍.ସି ଏବଂ ସି.ଏଚ୍.ସି ସୃଷ୍ଟି କରୁନଥିବା ବେଳେ ରାଜ୍ୟରେ କୋରୋନା ସମୟରେ ଡାକ୍ତର ଅଭାବ ଦେଖାଦଉଛି । ସରକାର ନିଜର କଥାକୁ ଲୁଚାଇବା ପାଇଁ ସରକାର ଡାକ୍ତର ନିଯୁକ୍ତି ନାମରେ ବାହାର ରାଜ୍ୟର ଡାକ୍ତର ମାନଙ୍କୁ ଓଡିଶା ପବ୍ଲିକ ସର୍ଭିସ କମିଶନ ପରୀକ୍ଷାରେ ଅଂଶଗ୍ରହଣ କରିବାକୁ ବ୍ୟବସ୍ଥା କରିଛନ୍ତି।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
