ମୁମ୍ବାଇ: ପିଏମସି ବ୍ୟାଙ୍କ ସ୍କାମ ମାମଲାରେ ପତ୍ନୀଙ୍କୁ ନୋଟିସ ପଠାଯିବା ଘଟଣାରେ ମୁହଁ ଖୋଲିଲେ ବରିଷ୍ଠ ଶିବସେନା ନେତା ସଞ୍ଜୟ ରାଉତ । ସେ କହିଛନ୍ତି ଯେ ସେ ଆଇନକୁ ସମ୍ମାନ କରନ୍ତି ଏବଂ ତଦନ୍ତକୁ ସହଯୋଗ କରିବେ । କିନ୍ତୁ ତାଙ୍କୁ ଭୟଭୀତ କରିବା ପାଇଁ ଯାହା ସବୁ କରାଯାଉଛି, ସେଥିରେ ସେ ଡରିବେ ନାହିଁ ବୋଲି ସ୍ପଷ୍ଟ କରିଛନ୍ତି ।
ଗଣମାଧ୍ୟମକୁ ସୂଚନା ଦେଇ ସଞ୍ଜୟ ରାଉତ କହିଛନ୍ତି ତାଙ୍କ ମାଧ୍ୟମରେ ମହାରାଷ୍ଟ୍ର ସରକାରଙ୍କୁ ଅସ୍ଥିର କରିବା ପାଇଁ ଉଦ୍ୟମ କରାଯାଉଛି। ତାଙ୍କ ମାଧ୍ୟମରେ ଡରାଇବା ପାଇଁ ଚେଷ୍ଟା କରାଯାଉଛି, କିନ୍ତୁ ସେ ଭୟଭୀତ ନୁହଁନ୍ତି । ତାଙ୍କୁ ଧମକ ଦେବା ପାଇଁ କେହି ଜନ୍ମ ହୋଇନଥିବା କଥା କହିଛନ୍ତି ସଞ୍ଜୟ ।