ଚଣ୍ଡିଗଡ: ହସ୍ପିଟାଲରେ ଭର୍ତ୍ତି ହୋଇଛନ୍ତି କଂଗ୍ରେସ ନେତା ନବଜୋତ ସିଂ ସିନ୍ଧୁ । ପଟିଆଲା ଜେଲ୍ରୁ ତାଙ୍କୁ ହସ୍ପିଟାଲକୁ ନିଆଯାଇଛି । ଜେଲରେ କିଛି ନ ଖାଇବାରୁ ତାଙ୍କୁ ପଟିଆଲା ରାଜେନ୍ଦ୍ର ହସ୍ପିଟାଲକୁ ନିଆଯାଇଛି । ସେଠାରେ ତାଙ୍କ ମେଡିକାଲ ଚେକ୍ଅପ୍ ହେବ ବୋଲି ସୂଚନା ମିଳିଛି ।
ସୂଚନା ମୁତାବକ, ସିଦ୍ଧୁ ଜେଲରେ ମିଳୁଥିବା ଥାଦ୍ୟ ଖାଇବାକୁ ମନା କରିଦେଇଥିଲେ । ଗତ ଦୁଇ ଦିନ ହେଲା ସେ କେବଳ ଫଳ ଖାଇ ରହିଛନ୍ତି । କିଛି ନ ଖାଇବାକୁ ତାଙ୍କ ମେଡିକାଲ ଚେକଅପ ପାଇଁ ହସ୍ପିଟାଲକୁ ନିଆଯାଇଛି । ବାରାକ ନମ୍ବର 10 କଏଦୀ ନଂ 137683 କଏଦୀ ହୋଇଛି ସିଦ୍ଧୁ । ତାଙ୍କ ସହିତ ଅନ୍ୟ 4 ଜଣ କଏଦୀ ମଧ୍ୟ ଅଛନ୍ତି । ଦୀର୍ଘ 34 ବର୍ଷ ପୂର୍ବ ରୋଡ ରେଜ୍ ମାମଲାରେ ମଇ 19 ତାରିଖରେ ସିଦ୍ଧୁଙ୍କୁ ସୁପ୍ରିମକୋର୍ଟ ଜେଲ୍ ଦଣ୍ଡାଦେଶ ଶୁଣାଇଥିଲେ । ସିଦ୍ଧୁଙ୍କୁ ଏକ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା । ଜେଲ୍ ଦଣ୍ଡାଦେଶ ମିଳିବା ପରେ ତାଙ୍କ ସୁରକ୍ଷା ଫେରାଇ ନେବାକୁ ଆଦେଶ ଜାରି ହୋଇଥିଲା ।