ପାଟନା: ବାକି ଟଙ୍କା ମାଗିବାରୁ ଦୋକାନୀର ଆଖି ଫୁଟାଇ ଦେଲା ଗ୍ରାହାକ । ଏପରି ଆଭାବନୀୟ ଘଟଣା ଦେଖିବାକୁ ମିଳିଛି ବିହାରର ନାଳନ୍ଦା ଜିଲ୍ଲାର ମେହେନୋର ଗ୍ରାମରେ । ଜଣେ ଦୋକାନୀ ନିଜ ବାକି ପାଉଣା ପୈଠ କରିବାକୁ କହିବାରୁ ଗ୍ରାହାକ ଜଣକ ରାଗ ଜରଜର ହୋଇ ଛୁରୀରି ଦୋକାନୀ ଆଖିକୁ ଆକ୍ରମଣ କରିଥିଲା । ଆହତ ଯୁବକଙ୍କୁ ଚିକିତ୍ସା ପାଇଁ ବିହାର ସରିଫ ସଦର ଡାକ୍ତରଖାନାକୁ ଅଣାଯାଇଥିଲା। ଯେଉଁଠାରେ ଡାକ୍ତର ଜିତେନ୍ଦ୍ର କୁମାରଙ୍କୁ ଗୁରୁତର ଅବସ୍ଥାରେ ବିହାର ବଡ ମେଡିକାଲକୁ ରେଫର୍ କରିଛନ୍ତି। ତେବେ ଆହତ ଯୁବକ ଅନୀଲ କୁମାରଙ୍କ ପୁଅ ଜିତେନ୍ଦ୍ର କୁମାର ହୋଇଥିବା ବେଳେ ଅଭିଯୁକ୍ତ ଯୁବକ ମୁରାରୀ କୁମାର ବୋଲି ଜଣାପଡିଛି ।
ସ୍ଥାନୀୟ ଲୋକ କହିଛନ୍ତି ,ସୋମବାର ବିଳମ୍ବିତ ରାତିରେ ମୁରାରୀ କୁମାରର ଜିତେନ୍ଦ୍ର କୁମାରଙ୍କୁ ଏକ ସିଗାରେଟ୍ ମାଗିଥିଲା । ସେତେବେଳେ ଦୋକାନୀ ଜିତେନ୍ଦ୍ର କୁମାର ତାଙ୍କୁ ପୂର୍ବ ବାକି ପରିଶୋଧ କରିବାକୁ କହିଥିଲେ । ପୂର୍ବ ବାକି ପୈଠ ନ କରିବା ପର୍ଯ୍ଯନ୍ତ ତାଙ୍କୁ ଅଉ କୌଣସି ପ୍ରକାରର ବି ବାକି ଦେବାକୁ ମନା କରିଥିଲେ ଜିତେନ୍ଦ୍ର କୁମାର । ଏହା ସତ୍ତ୍ୱେ ଯୁବକ ଜଣକ ଦୋକାନୀଙ୍କଠାରୁ ଜବରଦସ୍ତ ସିଗାରେଟ୍ ନେବା ଆରମ୍ଭ କଲେ । ସମାନ କଥା ଉପରେ ଦୋକାନୀ ଜିତେନ୍ଦ୍ର ବିରୋଧ କରିଥିଲେ। ଏହା ପରେ ଦୋକାନରେ ରଖାଯାଇଥିବା ଛୁରୀରେ ମୁରାରି ତାଙ୍କୁ ଆଖିକୁ ଛୁରୀରେ ଆକ୍ରମଣ କରିଥିଲା । ଫଳରେ ଜିତେନ୍ଦ୍ରଙ୍କ ଗୋଟିଏ ଡାହାଣା ପଟ ଆଖିରେ ଗଭିର ଆଘାତ ଲାଗିଥିଲା । ଜିତେନ୍ଦ୍ରଙ୍କ ଅବସ୍ଥା ଦେଖିବା ପରେ ମୁରାରି ସେଠାରୁ ପଳାୟନ କରିଥିଲେ। ଏହି ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାର ତଦନ୍ତରେ ଆରମ୍ଭ କରିଛି ।