ରାଜସ୍ଥାନରେ ଚାଞ୍ଚଲ୍ୟ, ତିନି କୋଚିଂ ଛାତ୍ରଙ୍କ ଆତ୍ମହତ୍ୟା

ରାଜସ୍ଥାନ କୋଟାରେ ଗୋଟିଏ ଦିନରେ ତିନି କୋଚିଂ ଛାତ୍ରଙ୍କ ଆତ୍ମହତ୍ୟା । ମୃତକଙ୍କ ମଧ୍ୟରୁ ଦୁଇଜଣ ବିହାରର ହୋଇଥିବାବେଳେ ଅନ୍ୟଜଣେ ମଧ୍ୟପ୍ରଦେଶର । ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି । ଅଧିକ ପଢ଼ନ୍ତୁ

ଜୟପୁର:ରାଜସ୍ଥାନର କୋଟାରେ ତିନି କୋଚିଂ ଛାତ୍ର ଆତ୍ମହତ୍ୟା କରିଛନ୍ତି(coaching students committed suicide) । ଆତ୍ମହତ୍ୟା କରିଥିବା ତିନି ଛାତ୍ରଙ୍କ ମଧ୍ୟରୁ ଦୁଇ ଜଣ ବିହାର ହୋଇଥିବାବେଳେ ଅନ୍ୟଜଣେ ମଧ୍ୟପ୍ରଦେଶର ହୋଇଥିବା ଜଣାପଡ଼ିଛି । ଉକ୍ତ ଦୁଇ ଛାତ୍ର ଏକାଠି ଗୋଟିଏ ହଷ୍ଟେଲରେ ରହି ପାଠ ପଢୁଥିଲେ । ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି ।

ଆତ୍ମହତ୍ୟା କରିଥିବା ଦୁଇ ଛାତ୍ର ହେଉଛନ୍ତି ଅଙ୍କୁଶ ଆନନ୍ଦ ଏବଂ ଉଜ୍ଜଳ କୁମାର । ଅଙ୍କୁଶ ବିହାରର ସୁପୌଲ ଜିଲ୍ଲା ବମ୍ଭଗବା ବାସିନ୍ଦା ହୋଇଥିବାବେଳେ ଉଜ୍ଜଳ ଗୟା ଜିଲ୍ଲାର ନୟଜିପୁର ବାସିନ୍ଦା ଅଟନ୍ତି । ଉଭୟେ କୋଟାରେ ଗୋଟିଏ ପିଜିରେ ରହୁଥିଲେ । ଏପରିକି ସେମାନଙ୍କ ରୁମ ମଧ୍ୟ ପାଖାପାଖି ଥିଲା । ଜଣେ ଇଞ୍ଜିନିୟରିଂ ଏବଂ ଅନ୍ୟ ଜଣେ ମେଡିକାଲ ପାଇଁ ପ୍ରସ୍ତୁତ ହେଉଥିଲେ । ହଷ୍ଟେଲରେ ରହୁଥିବା ଅନ୍ୟ ଛାତ୍ରମାନଙ୍କ କହିବା ଅନୁଯାୟୀ, ସୋମବାର ସକାଳୁ ଉଭୟେ ବାହାରକୁ ବାହାରିନଥିଲେ। ଏପରିକି ଅଙ୍କୁଶ ତାଙ୍କ ପରିବାର ଲୋକଙ୍କ ଫୋନ୍‌ ମଧ୍ୟ ଉଠାଇନଥଲେ । ପରିବାର ଲୋକେ ଅନ୍ୟ ଛାତ୍ରଙ୍କୁ ଫୋନ କରିବାରୁ ସେମାନେ କବାଟ ବାଡେଇଥିଲେ। ମାତ୍ର ସେ ଖୋଲିନଥିଲେ । ଏହାପରେ ପୋଲିସକୁ ଖବର ଦେଇଥିଲେ ।

ସୂଚନା ପାଇ ପୋଲିସ ଘଟଣାସ୍ଥଳରେ୍‌ ପହଞ୍ଚି କବାଟ ଭାଙ୍ଗି ଦେଖନ୍ତି ତ ଅଙ୍କୁଶ ଆଉ ନାହାନ୍ତି । ସେ ଆତ୍ମହତ୍ୟା କରିଥିବା ଜଣାପଡ଼ିଛି । ଏହି ସମୟରେ ଉଜ୍ଜଳଙ୍କ ଭଉଣୀ ହଷ୍ଟେଲରେ ଆସି ପହଞ୍ଚିଥିଲେ ଏବଂ ସେ ଫୋନ ଉଠାଉନଥିବା କହିଥିଲେ । ତାଙ୍କ ରୁମ୍‌ କବାଟ ଭାଙ୍ଗି ଦେଖିବା ବେଳକୁ ଉଜ୍ଜଳ ମଧ୍ୟ ଆତ୍ମହତ୍ୟା କରିଥିବା ଦେଖିବାକୁ ମିଳିଥିଲା । ପୋଲିସ ଉଭୟ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଏହି ଘଟଣା ନେଇ ପୋଲିସ ତଦନ୍ତ ଜାରି ରଖିଛି । ଅନ୍ୟପକ୍ଷରେ ଆତ୍ମହତ୍ୟା କରିଥିବା ଅନ୍ୟ ଜଣେ ଛାତ୍ର ପ୍ରଣବ ମଧ୍ୟପ୍ରଦେଶରୁ ଆସି ନିଟ୍‌ ପାଇଁ ପ୍ରସ୍ତୁତ ହେଉଥିଲେ । ସେ ପୁନାଲି ଥାନାଞ୍ଚଳରେ ରହୁଥିଲେ ।

ହଷ୍ଟେଲ ମାଲିକ କହିଛନ୍ତି, "ଉଭୟ ଛାତ୍ର ମେ-ଜୁନ ମାସରେ ଏଠାକୁ ଆସିଥିଲେ । କିନ୍ତୁ ସେମାନଙ୍କ କାର୍ଯ୍ୟକଳାପ ଉପରେ ମୁଁ ଅବଗତ ନାହିଁ।" ତେବେ ଭଉୟଙ୍କ ଆତ୍ମହତ୍ୟା ନେଇ ଅନେକ ପ୍ରଶ୍ନ ସୃଷ୍ଟି ହୋଇଛି। କାହିକିଁ ଦୁହେଁ ଏଭଳି ନିଷ୍ପତ୍ତି ନେଲେ? ପଢା ଚାପ ନା ଅନ୍ୟ କିଛି ସେନେଇ ପୋଲିସ ତଦନ୍ତ କରୁଛି।