ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଦିନ ନିଜର 70 ତମ ଜନ୍ମଦିନ ପାଳନ କରିଛନ୍ତି । ଏହି ଅବସରରେ ଦେଶବାସୀ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ଜଣାଇ ତାଙ୍କ ସୁସ୍ଥତା କାମନା କରିଥିଲେ । ବିଭିନ୍ନ ସୋସିଆଲ ମିଡିଆରେ ସାଧାରଣ ଜନତାଙ୍କ ଠାରୁ ରାଜନେତା ଓ ଫିଲ୍ମ ଷ୍ଟାର୍ସ ଦେଶର ପ୍ରଧାନମନ୍ତ୍ରୀଙ୍କ ଶୁଭ କାମନା ଜଣାଇଥିଲେ। ଏହା ବଦଳରେ ପିଏମ ମୋଦି ସମସ୍ତଙ୍କୁ ଧନ୍ୟବାଦ ଜଣାଇବା ଜନ୍ମଦିନର ଉପହାର ଜନତାଙ୍କ ଠାରୁ ମାଗିଛନ୍ତି ।
ପିଏମ ଗୁରୁବାର ବିଳମ୍ବିତ ରାତିରେ ଟ୍ବିଟ କରି କହିଛନ୍ତି, ଜନ୍ମଦିନ ଅବସରରେ ତାଙ୍କୁ ଅନେକ ପଚାରିଥିଲେ ଯେ, ମୋଦି ତାଙ୍କ ଜନ୍ମଦିନରେ କେଉଁ ଉପହାର ପାଇବାକୁ ଚାହାଁନ୍ତି । ଯାହାର ଉତ୍ତର ସେ କହିଥିଲେ, ଠିକ୍ ଭାବେ ମାସ୍କ ପିନ୍ଧନ୍ତୁ, ସାମାଜିକ ଦୂରତା ଅବଲମ୍ବନ କରନ୍ତୁ । ‘ଦୋ ଗଜ କି ଦୂର’ ଅର୍ଥାତ୍ 2 ଇଞ୍ଚ ଦୂରତାକୁ ମନେ ରଖି ଗହଳି ସ୍ଥାନକୁ ଯାଆନ୍ତୁ ନାହିଁ ଏବଂ ଶରୀରରେ ପ୍ରତିରୋଧ ଶକ୍ତିକୁ ବଢାନ୍ତୁ । ଏଥିସହ ପୃଥିବୀକୁ ସୁସ୍ଥ ରଖିବାକୁ ପ୍ରଧାନମନ୍ତ୍ରୀ ଆହ୍ବାନ କରିଛନ୍ତି ।