ହାଇଦ୍ରାବାଦ: ଆଇପିଏଲରେ ସଟ୍ଟାଖେଳି ହାରିବା ପରେ ଆତ୍ମହତ୍ୟା କରିଛନ୍ତି ଯୁବକ । ଏପରି ଏକ ଅଭାବନୀୟ ଘଟଣା ହାଇଦ୍ରାବାଦର ଦ୍ବାରକାନଗର କଲୋନୀରେ ଦେଖିବାକୁ ମିଳିଛି ।
ସୂଚନା ଅନୁଯାୟୀ ଝାଡଖଣ୍ଡର ସୋନୁ କୁମାର ଯାଦବ ନାମକ ଜଣେ 19 ବର୍ଷୀୟ ଯୁବକ ତାଙ୍କର ଦୁଇ ବନ୍ଧୁ ସଞ୍ଜୟ ଏବଂ ମନୋଜଙ୍କ ସହ ହାଇଦ୍ରାବାଦର ଦ୍ବାରକାନଗର କଲୋନୀରେ ରହୁଥିଲେ । ସେ ଆଇପିଏଲରେ ସଟ୍ଟା ଖେଳି ଅର୍ଥ ବାଜି ଲଗାଇଥିଲେ । ତେବେ ସୋନୁ ସଟ୍ଟା ଖେଳରେ ହାରିଯିବା ପରେ ମାନସିକ ଚାପ ସହି ନ ପାରି ଗାଧୁଆଘରେ ନିଜ ଲୁଗାରେ ରଶି ଲଗାଇ ଆତ୍ମହତ୍ୟା କରିଛନ୍ତି । ତେବେ ଦୁଇ ବନ୍ଧୁ ବାହାରକୁ ଯାଇଥିବାବେଳେ ଏପରି ଏକ ଚରମ ନିଷ୍ପତ୍ତି ନେଇଛନ୍ତି ସୋନୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ