ନୂଆଦିଲ୍ଲୀ: ମହାମାରୀ କୋରୋନା ସମୟରେ ବିଶେଷ କରି ସ୍ବାସ୍ଥ୍ୟକ୍ଷେତ୍ରକୁ ଅଧିକ ଗୁରୁତ୍ବ ଦେଉଛନ୍ତି କେନ୍ଦ୍ର ସରକାର । ଏପରିସ୍ଥିତିରେ ଭାରତ ଆଗାମୀ ଦିନରେ 'ଫାର୍ମାସି ଅଫ ୱାର୍ଲ୍ଡ' ହେବା ସହିତ 'ହସ୍ପିଟାଲ ଅଫ ୱାର୍ଲ୍ଡ'ରେ ମଧ୍ୟ ପରିଣତ ହେବ ବୋଲି କହିଛନ୍ତି କେନ୍ଦ୍ର ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ପୀୟୁଷ ଗୋୟଲ ।
ସିଆଇଆଇର ଦ୍ବାଦଶ ମେଡଟେକ ଗ୍ଲୋବାଲ ସମ୍ମିଳନୀର ଉଦଘାଟନୀ ଉତ୍ସବରେ ଯୋଗ ଦେଇ ଗୋୟଲ ଏକ ବିବୃତ୍ତିରେ କହିଛନ୍ତି ଯେ ଭାରତ ମଧ୍ୟ 'ବିଶ୍ବ ହସ୍ପିଟାଲ' ହୋଇଯିବ, ଯେଉଁଠାରେ ବିଶ୍ବ ସୁବିଧା, ଉଚ୍ଚମାନର ଚିକିତ୍ସା ସେବା ଉପଲବ୍ଧ ରହିବ |