ହାଇଦ୍ରାବାଦ: ଆଇପିଏଲକୁ ନେଇ ସାଧାରଣ ଲୋକଙ୍କ ଠାରୁ ଆରମ୍ଭ କରି ସେଲିବ୍ରିଟିଙ୍କ ମଧ୍ୟରେ କ୍ରେଜ ଜାରି ରହିଛି । ବଲିଉଡରେ କିଛି ତାରକା ଅଛନ୍ତି, ଯାହାର ନିଜର ଆଇପିଏଲ୍ ଟିମ ଅଛି । ଏଥିରେ ଶାହରୁଖ ଖାନଙ୍କ ନାମ ପ୍ରଥମ । ଯାହାଙ୍କ ଟିମର ନାଁ କୋଲକାତା ନାଇଟ୍ ରାଇଡର୍ସ । ଅଭିନେତା ତାଙ୍କ ଦଳକୁ ସବୁବେଳେ ଚିୟରଅପ କରିବା ପାଇଁ ମ୍ୟାଚରେ ସାମିଲ ହୋଇଆସୁଛନ୍ତି । ତେବେ ଆଜି କୋଲକାତା ନାଇଟ୍ ରାଇଡର୍ସ ସହ ଦିଲ୍ଲୀ କ୍ୟାପିଟାଲ୍ସର ମ୍ୟାଚ ହେବାକୁ ଥିବା ବେଳେ ଏହା ପୂର୍ବରୁ ଚିମର ଜୋରଦାର ଟ୍ରେନିଂ ନେଇଥିଲେ । ଏହି ସମୟରେ କିଙ୍ଗ ଖାନ ତାଙ୍କ ଅବରାମଙ୍କ ସହ ନଜର ଆସିଥିଲେ ଏବଂ କ୍ରିକେଟ୍ ମଧ୍ୟ ଖେଳିଥିଲେ । ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଭାଇରାଲ ଭିଡିଓରେ କିଙ୍ଗ ଖାନଙ୍କ ସାନ ନବାବ ଅବରାମ କେକେଆର ବ୍ୟାଟ୍ସମ୍ୟାନ୍ ରିଙ୍କୁ ସିଂଙ୍କୁ ବୋଲିଂ କରୁଥିବା ଦେଖିବାକୁ ମିଳିଛି । ଅବରାମ ରିଙ୍କୁଙ୍କୁ ଏକ ହ୍ୱାଇଟ ୟର୍କର ବୋଲିଂ କରିଥିଲେ, ଯାହା ବ୍ୟାଟ୍ସମ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଥିଲା । ଏହି ସମୟରେ, ଶାହାରୁଖ ଖାନ ମଧ୍ୟ ବ୍ୟାଟିଂ କରିଥିଲେ । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି ଏବଂ ଉଭୟଙ୍କର ପ୍ରଶଂସା କରିଛନ୍ତି । କହିରଖୁଛୁ କି, କେକେଆର ଆଜି ଅର୍ଥାତ୍ ସୋମବାର ଇଡେନ୍ ଗାର୍ଡେନରେ ଦିଲ୍ଲୀ କ୍ୟାପିଟାଲ୍ସକୁ ଭେଟିବ । ଏହି ପିଚରେ ନାଇଟ୍ ରାଇଡର୍ସ କ୍ରମାଗତ ୮ଟି ମ୍ୟାଚ୍ ଖେଳିଛି, ସେଥିମଧ୍ୟରୁ ସେମାନେ ୫ଟି ଜିତି ୩ଟି ହାରିଛି ।