ହାଇଦ୍ରାବାଦ: ବଲିଉଡର ସୁପରଷ୍ଟାର ଶାହାରୁଖ ଖାନଙ୍କ ଆଇପିଏଲ ଦଳ କୋଲକାତା ନାଇଟ୍ ରାଇଡର୍ସ ଓ ରାଜସ୍ଥାନ ରୟାଲ୍ସ ମଧ୍ୟରେ ମଙ୍ଗଳବାର କଡା ମୁକାବିଲା ହୋଇଥିଲା । ଏହି ମ୍ୟାଚ ଦେଖିବା ପାଇଁ ଶାହାରୁଖ ଖାନ ନିଜେ ଇଡେନ ଗାର୍ଡେନ ଷ୍ଟାଡିୟମରେ ପହଞ୍ଚିଥିଲେ । ହେଲେ ଏହି ମ୍ୟାଚରେ ରାଜସ୍ଥାନ ରୟାଲ୍ସ ବିଜୟ ଲାଭ କରିଥିବା ବେଳେ ଶାହାରୁଖଙ୍କ ଟିମ୍ କୋଲକାତା ନାଇଟ୍ ରାଇଡର୍ସ ମାତ୍ର ୨ ୱିକେଟରେ ହାରିଛି । ମ୍ୟାଚ ହାରିବା ଦେଖି କିଙ୍ଗ ଖାନ ବେଶ ଭାବବିହ୍ୱଳ ହୋଇଥିଲେ । ଷ୍ଟାଡିୟମରେ ଶାହାରୁଖ ଖାନଙ୍କ କାନ୍ଦିବାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ସେପଟେ ଏବେ ତାଙ୍କ ଦଳର ପରାଜୟକୁ ନେଇ ଶାହାରୁଖ ଖାନଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
ଭାଇରାଲ ହେଉଥିବା ଭିଡିଓରେ ଶାହାରୁଖ ଖାନ କାନ୍ଦୁଥିବାର ନଜର ଆସିଛନ୍ତି । ମ୍ୟାଚ ହାରିବା ଦେଖି ସେ ଦୁଃଖରେ ଭାଙ୍ଗି ପଡିଥିବା ବେଳେ ଷ୍ଟାଡିୟମରେ ବସି ପଡିଥିଲେ ଏବଂ ତାଙ୍କ ଆଖିରେ ଲୁହ ଦେଖିବାକୁ ମିଳିଥିଲା । ସୋସିଆଲ ମିଡିଆରେ ପ୍ରଶଂସକମାନେ କିଙ୍ଗ ଖାନ ଏବଂ ଚକ ଦେ ଇଣ୍ଡିଆ'ରେ ତାଙ୍କ କୋଚ କବୀରଙ୍କ ଚରିତ୍ର ସମାନ କରି ଏକ ଫଟୋ ସେୟାର କରିଛନ୍ତି । ତେବେ ଶାହାରୁଖ ଖାନଙ୍କୁ ଏପରି ଦେଖି ତାଙ୍କ ପ୍ରଶଂସକମାନେ ମଧ୍ୟ ଭାବପ୍ରବଣ ହୋଇଥିଲେ ।
ଏହାପରେ ତାଙ୍କ ଦଳର ପରାଜୟକୁ ନେଇ ଶାହାରୁଖ ଖାନଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ଏହି ଭିଡିଓ ସହ ସେ ନିଜ ଟିମର ଆତ୍ମବିଶ୍ୱାସ ବଢାଉଥିବା ନଜର ଆସିଛନ୍ତି । କିଙ୍ଗ ଖାନ କହିଛନ୍ତି, ''ଏମିତି କିଛି ଦିନ ଅଛି ଯେତେବେଳେ ଆମେ ଜିତିବାକୁ ଯୋଗ୍ୟ ନୁହଁ, କିନ୍ତୁ କିଛି ଜିନିଷ ଅଛି ଯାହା ଜିନିଷ ବଦଳାଇଥାଏ । ମୁଁ ଭାବୁଛି ଆଜି ଆମେ ହାରିବାକୁ ଯୋଗ୍ୟ ନଥିଲୁ । ତୁମେ ସମସ୍ତେ ବହୁତ ଭଲ ଖେଳିଲ । ଆମେ ନିଜ ପାଇଁ ବହୁତ ଗର୍ବିତ ହେବା ଉଚିତ୍ । ଦୟାକରି ଦୁଃଖିତ କିମ୍ବା ନିରାଶ ହୁଅନ୍ତୁ ନାହିଁ । ଆମେ ଶୀର୍ଷ ପ୍ରଦର୍ଶନ କରୁଛୁ ଏବଂ ଏହାକୁ ବଜାୟ ରଖ । ଏହି ମ୍ୟାଚ ପାଇଁ ଭଗବାନଙ୍କ ଏହି ଯୋଜନା ଥିଲା । ନିରାଶ ହୁଅନି, ଆମେ ଆଗାମୀ ଦିନରେ ନିଶ୍ଚୟ ବିଜୟ ହାସଲ କରିବା ।''
ଏହା ମଧ୍ୟ ପଢନ୍ତୁ: ଚିନ୍ନାସ୍ବାମୀରେ ହାଇଦ୍ରାବାଦ ବ୍ୟାଟରଙ୍କ ଆତଙ୍କ, 25 ରନରେ ହାରିଲା
ମ୍ୟାଚ୍ ବିଷୟରେ କହିବାକୁ ଗଲେ କୋଲକାତା ୨୦ ଓଭରରେ ୬ଟି ୱିକେଟ୍ ହରାଇ ୨୨୩ ରନ୍ ସଂଗ୍ରହ କରିଥିଲା । ସେପଟେ ରାଜସ୍ଥାନ ୨୦ ଓଭରରେ ୮ଟି ୱିକେଟ୍ ହରାଇ ୨୨୪ ରନ୍ ସଂଗ୍ରହ କରି ଦୁଇଟି ୱିକେଟ୍ ନେଇ ମ୍ୟାଚ୍ ଜିତିଥିଲା ।
