सोलापूरसोलापुरातील काही तरुणांनी एकत्र येऊन कोकणातील मातीला सोलापुरी हात देत पर्यावरण पूरक गणेश मूर्ती Eco Friendly Ganesha Idol तयार केली आहे. एक प्रकारे इको फ्रेंडली गणेश मूर्तीचा पर्याय उपलब्ध करून दिला आहे. कोकणातील आणलेल्या लाल मातीतून श्रींच्या मूर्ती तयार केल्या आहेत. गेल्या दोन ते तीन वर्षांपासून पर्यावरण पूरक गणेशोत्सवाची संकल्पना Eco Friendly Ganeshotsav राबवत असल्याची माहिती दिली. मूर्तिकार विनायक घाटगे, आशिष माशाळे व यांची टीम पर्यावरण पूरक गणेशोत्सव साजरा करण्यासाठी विशेष प्रयत्न करत आहे.
कोकणातील लाल माती लवकर विघटन होतेगणेशोत्सव अवघ्या काही दिवसांवर आला आहे. कोरोना महामारीचे संकट दूर झाल्या पासून सर्वसामान्य नागरिक सामान्य जीवन जगत आहेत. सहज बनविता येणाऱ्या पीओपीच्या मूर्ती मूर्ती बनविण्याचे प्रमाण जास्त आहे. प्रशासनाने घरगुती मूर्ती सार्वजनिक मूर्तीच्या उंचीसाठी नियमावली जाहीर केली आहे. सोलापूर येथील काही विद्यार्थ्यांनी पर्यावरण पूरक गणेश मूर्तीसाठी विशेष प्रयत्न केला आहे. त्यासाठी त्यांनी कोकणातील लाल माती सोलापुरात आयात केली आहे. शाडूच्या माती पेक्षा लाल मातीचे लवकर विघटन होते अशी माहिती यावेळी देण्यात आली.तर कोरीव कामासाठी दोन तास असे श्रींची लाल मातीची मूर्ती बनविण्यासाठी साडेचार ते पाच तास लागतात असल्याची माहिती विनायक घाटगे यांनी दिली. मातीच्या लाल रंगावर चकाकी आणि गडदपणा आणण्यासाठी कावचा थर देण्यात येतो.