जळगाव- शहराला पाणी-पुरवठा होणाऱ्या वाघूर धरणात मुसळधार पावसामुळे ९९ टक्के इतका पाणीसाठा झाला आहे. वाघूर धरण पूर्ण भरत आले असून त्याचे दोनही दरवाजे उघडण्यात आले आहेत. यामुळे, वाघूर नदीला पूर आला आहे. नदीकाठच्या गावांना जिल्हा प्रशासनाकडून सतर्कतेचा इशारा देण्यात आला आहे.
मुसळधार पावसामुळे वाघूर धरण ९९ टक्के भरले
जिल्ह्यात काल सायंकाळपासून पावसाचा जोर पुन्हा वाढला आहे. काल सायंकाळपासूनच संततधार पाऊस सुरू असल्याने जनजीवन विस्कळीत झाले आहे. वाघूर धरणाची पाणीपातळी २३३.८०० मीटर झाली आहे. धरणात ९९.६० टक्के पाणीसाठा झाला आहे. धरणाच्या पाणलोट क्षेत्रात मुसळधार पावसाची शक्यता आहे. यामुळे धरणाचे दोनही दरवाजे उघडण्यात आले आहेत.