चिमूर (गडचिरोली) - क्रांती शहिद स्मृती दिनानिमीत्त राज्याचे बहुजन कल्याण तथा पुनर्वसन मंत्री व जिल्ह्याचे पालकमंत्री विजय वडेट्टीवार यांनी हुतात्मा स्मारक येथे शहिदांना पुष्पचक्र अर्पण करून आदरांजली वाहिली.
हुतात्मा स्मारकापुढेच भाजपा आमदार किर्तीकुमार भांगडिया यांचे कार्यालय आहे. हुतात्म्यांना आदरांजली वाहिल्यानंतर पालकमंत्री वडेट्टीवार यांचे मनोगत सुरू असताना भारतीय जनता पार्टीच्यावतीने काढण्यात आलेली बाईक रॅली हुतात्मा स्मारक येथे आली. ज्यामुळे काँग्रेस व भाजपा कार्यकर्ते तथा नेते आमने सामने आले.