नवी दिल्ली - टोकियो ऑलिम्पिकमध्ये ऐतिहासिक आणि अविस्मरणीय कामगिरी केल्यानंतर भारतीय अॅथलिट आज नवी दिल्लीमध्ये पोहोचले. दिल्ली विमानतळावर पदक विजेत्या खेळाडूंचे स्वागत करण्यात आले. सुवर्ण पदक विजेता नीरज चोप्रा याचे भव्य स्वागत करण्यात आले. यानंतर बजरंग पुनिया, दीपक पुनिया, लवलिना बोर्गोहेन, रवी दहिया याचे देखील स्वागत झालं.
टोकियोतून मायदेशी परतणाऱ्या खेळाडूंमध्ये सुवर्ण पदक विजेता नीरज चोप्रा, कास्य पदक विजेता बजरंग पुनिया, रौप्य पदक विजेता रवी दहिया, कास्य पदक विजेती लवलिना बोर्गोहेन, पुरूष हॉकी संघाशिवाय आणखी काही खेळाडू आहेत. पदक विजेता खेळाडू विमानतळावरून अशोका हॉटेलमध्ये पोहोचले. तिथे त्यांचा सन्मान सोहळा रंगणार आहे. पंतप्रधान नरेंद्र मोदी या कार्यक्रमात व्हिडिओ कॉन्फरन्सिंगव्दारे सहभागी होणार आहेत.
सुवर्ण पदक विजेता नीरज चोप्राचे भारतात शानदार स्वागत