टोकियो - ऑलिम्पिकसाठीच्या सराव हॉकी स्पर्धेत भारतीय महिला हॉकी संघाने आज शनिवारी यजमान जपानचा पराभव केला. अटीतटीच्या सामन्यात भारतीय महिलांनी सामन्यात २-१ अशी बाजी मारली. या विजयासह भारतीय संघाने स्पर्धेत विजयी सुरुवात केली आहे.
सामन्यात भारतीय संघाची स्टार खेळाडू गुरजीत कौर हिने दोन गोल केले. तर यजमान जपानकडून ईमी निशिखोरी हिने एकमात्र गोल केला. भारतीय खेळाडूंनी सामन्याच्या पहिल्या मिनिटापासूनच आक्रमण सुरु केले. गुरजीतने आठव्या मिनिटाला गोल करत १-० अशी आघाडी मिळवून दिली.