Legends League Cricket Season 2 : लिजेंड्स लीग क्रिकेट सीझन 2 मध्ये खेळणार मॅक्लेनघन आणि चामिंडा वास

लिजेंड्स लीग क्रिकेटने शनिवारी दुसऱ्या सत्राचे ओमानमधून भारतात हस्तांतरण करण्याची घोषणा केली होती. त्यानंतर मॅक्लेनघन आणि चामिंडा वास सारखे दिग्गज लिजेंड्स लीग क्रिकेट सीझन 2 ( Legends League Cricket Season 2 ) मध्ये खेळण्यासाठी सहभागी होणार आहेत.

नवी दिल्ली: ग्लोबल टी20 लीग लिजेंड्स लीग क्रिकेटने शनिवारी ओमानमधून दुसऱ्या सत्राचे भारतात हस्तांतरण करण्याची घोषणा ( legends league cricket shifted to india ) केली. "क्रिडा क्षेत्रातील दिग्गजांचा भारतातील मोठा चाहता वर्ग आणि भारताकडून पहिल्या सत्राला मिळालेला प्रतिसाद लक्षात घेऊन, एलएलसीने सप्टेंबर 2022 मध्ये आगामी हंगामासाठी तळ भारतात हलवण्याचा निर्णय घेतला आहे," असे एका निवेदनात म्हटले आहे.

या स्पर्धेत इयान बटलर (न्यूझीलंड), मिचेल मॅकक्लेनाघन (न्यूझीलंड), एल्टन चिगुम्बुरा (झिम्बाब्वे), धम्मिका प्रसाद (श्रीलंका), पारस खडका (नेपाळ), चामिंडा वास (श्रीलंका) क्रिस्टोफर मपोफू (श्रीलंका) आणि लक्ष्मी रतन शुक्ला (भारत) सारखे प्रतिष्ठित खेळाडू लेजेंड्स लीगमध्ये क्रिकेट खेळताना ( Legends League cricket adds mcclenaghan vaas ) दिसतील. गेल्या आठवड्यात, त्यात डेल स्टेन, जॅक कॅलिस, वीरेंद्र सेहवाग, इरफान पठाण, युसूफ पठाण, मुरलीधरन, मॉन्टी पानेसर, प्रवीण तांबे, नमन ओझा, एस बद्रीनाथ, स्टुअर्ट बिन्नी आणि असगर अफगाण यांसारख्या दिग्गजांची भर पडली होती.

एलएलसीचे सह-संस्थापक आणि सीईओ रमण रहेजा ( Raman Raheja CEO of LLC ) यांनी एका निवेदनात म्हटले आहे की, “आम्हाला चाहते आणि क्रिकेट समुदायाकडून चांगला प्रतिसाद मिळत आहे. ठिकाणाच्या घोषणेनंतर, इयान बटलर, मिचेल मॅकक्लेनाघन, चामिंडा वास आणि इतर खेळाडूंनी सीझन 2 साठी करार केला आहे. आम्ही या खेळाडूंचे लीजेंड्स कुटुंबात स्वागत करतो. एलएलसीने शनिवारी दुसरा हंगाम ओमानमधून भारतात हस्तांतरित करण्याची घोषणा केली.

हेही वाचा -Neeraj Statement After Winning Medal : देशासाठी पदक जिंकणे अभिमानाची बाब - नीरज चोप्राने देशवासियांचे मानले आभार