मुंबई:इंडियन प्रीमियर लीगच्या ( Indian Premier League ) पंधाराव्या हंगामात आज (10 एप्रिल) डबल हेडर सामन्यातील दुसरा म्हणजे विसावा सामना वानखेडे स्टेडियमवर खेळला जाणार आहे. या सामन्यात लखनौ सुपरजायंट्स विरुद्ध राजस्थान रॉयल्स ( Lucknow Super Giants vs Rajasthan Royals ) लढत होणार आहे. या सामन्याला संध्याकाळी साडेसात वाजल्यापासून सुरुवात होणार आहे. तत्पुर्वी केएल राहुलने नाणेफेक जिंकून प्रथम गोलंदाजी करण्याचा निर्णय घोतला आहे.
या सामन्यात केएल राहुल आणि संजू सॅमसन या युवा कर्णधारांवर आपापल्या संघाची मदार असणार आहे. आयपीएलच्या 15 व्या मोसमात राजस्थान रॉयल्सने तीन सामन्यांत दोन सामने जिंकले आहेत, तर लखनौ सुपरजायंट्सने आतापर्यंत चार सामन्यांपैकी तीन जिंकले आहेत.
लखनौ सुपरजायंट्सच्या संघात एविन लुईस आणि अँड्र्यू टाय यांच्या जागी मार्कस स्टॉइनिस आणि दुष्मंथा चमेरा यांचा समावेश करण्यात आला. राजस्थानच्या संघात यशस्वी जैस्वाल आणि नवदीप सैनी यांच्या जागी रुसी व्हॅन डर डुसेन आणि कुलदीप सेन यांचा समावेश करण्यात आला आहे. अशा प्रकारे दोन्ही संघात प्रत्येकी दोन बदल करण्यात आले आहेत.