नवी दिल्ली : भारतीय संघाचा माजी कर्णधार विराट कोहली आऊट ऑफ फॉर्ममध्ये ( Former captain Virat Kohli ) आहे. इंग्लंड दौऱ्यात तो सपशेल अपयशी ठरला आहे. इंग्लंडविरुद्धच्या पहिल्या एकदिवसीय सामन्यात कोहली मांडीच्या दुखापतीमुळे बाहेर पडला होता आणि दुसऱ्या सामन्यात त्याला केवळ 16 धावा करता आल्या होत्या. कोहलीच्या या वाईट टप्प्यात अनेक दिग्गजांनी त्याला साथ दिली, तर काहींनी त्याच्यावर टीका करत सल्लेही दिले.
दरम्यान, पाकिस्तान क्रिकेट संघाचा कर्णधार बाबर आझम कोहलीच्या समर्थनात समोर आला ( Azam came in support of Kohli ) आहे. त्याने कोहलीसोबतचे आपले घट्ट नाते सांगणारी पोस्ट शेअर केली आहे. बाबरने कोहलीला मजबूत राहण्यास सांगितले. हा वाईट टप्पा लवकरच निघून जाईल ( This bad phase will pass soon ), असे पाकिस्तानी कर्णधाराने पोस्टच्या माध्यमातून कोहलीला समजावून सांगितले. त्याने याबाबतचे ट्विट केले आहे.