मुंबई-दिवाळीकडे प्रकाशाचा सण म्हणून पाहिले जाते. पण, दिव्यांग असणाऱ्या व्यक्तींना आयुष्यात निराशारुपी अंधकाराला सामोरे जावे लागते. तरीही अनेक दिव्यांग परिस्थितीवर मात करत चांगले उदाहण घालून देतात. मुंबईमधील दादर मार्केटमध्ये कंदील विकणारे मोहम्मद अकील असेच विक्रेते आहेत. ते पारंपरिक कंदील रस्त्यावर विकतात.
मोहम्मद अकील सांगतात, एक हात नाही. पण, दोन हात असलेल्या व्यक्तींहून मी कमी नाही. अकील हे घाऊक दराने अकोल्यावरून आकाशकंदील विकत घेतात. हे आकाशकंदील ते मुंबईमधील बाजार आणि रस्त्यांवर विकून चरितार्थ चालवितात. त्यांच्या कुटुंबात पत्नी, दोन मुले आणि मुलगी असे कुटुंब आहे.
दिव्यांग विक्रेत्याकडून मुंबईतील रस्त्यांवर दिवाळीतील कंदीलांची विक्री