मुंबई- महाराष्ट्राच्या राजकारणात बदलत असणारी सत्ता समीकरण पाहता भारतीय जनता पक्षाने सोमवारी आपल्या कोअर कमिटीची बैठक ( BJP core committee ) बोलावली होती. देवेंद्र फडणवीस यांच्या शासकीय निवासस्थानी ( BJP meeting in Mumbai ) पार पडलेल्या बैठकीत सध्याच्या राजकीय परिस्थितीबाबत चर्चा झाली आहे.
सर्वोच्च न्यायालयाने 16 आमदारांच्या निलंबन बाबतचा कोणतीही कारवाई 12 जुलैपर्यंत करू नये, असे सर्वोच्च न्यायालयाने सांगितले आहे. सर्वोच्च न्यायालयाने नोंदवलेल्या निरीक्षणावर देखील चर्चा झाली ( Maharashtra BJP core committee ) आहे. राज्यात होणाऱ्या सत्तेच्या उलथापालथ पाहता भारतीय जनता पक्षाच्या सर्व आमदारांना आणि सोबत असलेल्या अपक्ष आणि लहान पक्षाच्या आमदारांना बुधवारी 29 जून सकाळपर्यंत मुंबई उपस्थित रहाण्याच्या सूचना कोअर कमिटीच्या बैठकीतून दिल्या असल्याची माहिती सूत्रांकडून मिळत ( BJP MLAs to come in Mumbai ) आहे. एकनाथ शिंदे यांच्या सोबत शिवसेनेच्या आमदारांनी पुकारलेल्या बंडामुळे महाविकास आघाडी सरकार अल्पमतात येण्याची शक्यता आहे. तसे झाल्यास सत्तास्थापनेच्या आलेल्या संधीत विलंब होऊ नये यासाठी भारतीय जनता पक्षाने तयारी सुरू केली आहे.
सत्तास्थापनेचा प्रस्ताव देणार नाही-भारतीय जनता पक्ष सत्तास्थापनेचा प्रस्ताव राज्यपालांकडे देणार नाही नसल्याचंही सूत्रांकडून कळत आहे. मात्र आता होणाऱ्या राजकीय हालचाली वर भारतीय जनता पक्षाने बारीक लक्ष ठेवले आहे. तसेच बंडखोर आमदारांकडूनदेखील आपल्याला अद्याप कोणतेही सत्तास्थापनेचा प्रस्ताव आला नसल्याचे कोर कमिटीच्या बैठकीनंतर भाजपाचे नेते सुधीर मुनगंटीवार यांनी स्पष्ट केले आहे.