मुंबई : सोनी मराठी वाहिनी सातत्याने प्रेक्षकांचं मनोरंजन करण्यात व्यस्त आहे. 'जिवाची होतिया काहिली' (Jivachi Hotiya Kahili) मालिकेत नवरात्रीनिमित्त विशेष यक्षगणचे चित्रीकरण सुरु असून त्यात राजची विशेष भूमिका पाहणे साऱ्या रसिक प्रेक्षकांना रंजक ठरणार आहे. विशेष म्हणजे राज या विशेष भागादरम्यान रावणाच्या भूमिकेत (Actor Raj Hanchanale will play role of Ravana) पाहायला मिळणार आहे.
मराठी आणि कानडी भाषिक प्रेमाची कहाणी असलेली मालिका 'जिवाची होतिया काहिली' (Jivachi Hotiya Kahili) छोट्या पडद्यावर प्रेक्षकांना मनोरंजित करताना दिसत आहे. प्रमुख नायकाच्या भूमिकेत प्रेक्षकांचा लाडका, कोल्हापूरचा रांगडा गडी अभिनेता राज हंचनाळे प्रेक्षकांच्या विशेष पसंतीस (Actor Raj Hanchanale will play role of Ravana) पडतोय.
मालिकांमध्ये मुख्य नायक त्याच्या रोजच्या भूमिकेहून एक वेगळी भूमिका साकारतोय असे सहसा होत नाही आणि हे जिवाची होतिया काहिली मालिकेदरम्यान पाहायला मिळणार आहे. राज म्हणजे अर्जुन. त्याला रावणाच्या भूमिकेत पाहायला प्रेक्षकांना नक्कीच भावेल.
राजने साकारलेल्या त्याच्या या आगळ्यावेगळ्या भूमिकेबद्दल तो असे म्हणाला की, 'टेलिव्हिजनच्या माध्यमातून यक्षगण ही कर्नाटकातील एक आगळी वेगळी संस्कृती अनुभवायला मिळणार आहे, आणि मी त्याचा भाग आहे यासाठी मी खूप उत्सुक आहे. मालिकेत यक्षगण चे चित्रीकरण सुरू असून, मी रावणाची भूमिका साकारतोय, त्यासाठी लागणारा पेहराव, मुकुट परिधान करून चित्रीकरण करणं माझ्यासाठी तारेवरची कसरत आहे. मात्र मी आनंदी आणि उत्सुक असल्याने हे सारं सुरळीत निभावतोय. मेकअपसाठी पण मला १ तास बसावं लागत आहे. एकूणच या चित्रीकरणाचा अनुभव अविस्मरणीय आहे.'
'जिवाची होतिया काहिली', ही मालिका प्रसारित होते आहे. सोमवार ते शनिवार, संध्या. ७.३० वा. सोनी मराठी वाहिनीवर.