कोल्हापूर - कोरोनामुळे राज्यभरातील नाट्यगृह अद्याप बंद आहेत. त्यामुळे नाट्य कलाकारांच्या मध्ये अस्वस्थता पसरली आहे. अनेक कलाकारांवर उपासमारीची वेळ आली आहे. राज्यातील नाट्यगृह सुरू करावेत अशी मागणी आता नाट्य कलाकारांमधून होत आहे. या मागणीसाठी आज कोल्हापुरातील संगीतसूर्य केशवराव नाट्यगृहासमोर कलाकारांनी मूक आंदोलन केले. राज्य सरकारने नाट्यगृह त्वरित सुरू करून आर्थिक पॅकेज लवकर जमा करावे. अशी मागणी त्यांनी केली आहे.
कोल्हापूरात नाट्यकलाकारांचे मूक आंदोलन, केली ही मागणी
कोरोनामुळे राज्यातील नाट्यग्रह गेल्या दीड वर्षांपासून बंद आहेत. त्यामुळे सांस्कृतिक कार्यक्रम न झाल्याने कलाकारांच्या वर उपासमारीची वेळ आली आहे. राज्य सरकारने नाट्यगृह त्वरित सुरू करावीत या मागणीसाठी आज कोल्हापुरात रंगकर्मी आंदोलन पार पडले.
आंदोलन,
राज्य सरकारची मदत तुटपुंजी
राज्यातील नाट्य कलाकारांना राज्य सरकारने पाच हजार इतकी मदत जाहीर केली आहे. ही मदत तुटपुंजी असल्याचे मत अनेक कलाकारांनी व्यक्त केले आहे. राज्य सरकारने हे मदत तात्काळ जमा करावी. अशी मागणी अनेक कलाकारांकडून होत आहे.