औरंगाबाद - मनसे अध्यक्ष राज ठाकरेंनी पुन्हा एकदा राष्ट्रवादी काँग्रेसचे अध्यक्ष शरद पवारांवर हल्ला चढवला आहे. शरद पवार हे कोणत्याही जाहीर सभेत छत्रपती शिवाजी महाराजांचे नाव घेत नव्हते. आता मी बोलल्यावर त्यांनी छत्रपतींचे नाव घेण्यास सुरुवात केली आहे. तसेच, खासदार सुप्रिया सुळेंनी लोकसभेत शरद पवार हे नास्तिक असल्याचे म्हटले होते, असेही राज ठाकरेंनी सांगितले आहे. ( Raj Thackeray Criticized Sharad Pawar )
राज ठाकरे म्हणाले की, पवार म्हणत आहेत दोन समाजात हे दुही माजवत आहेत. महाराष्ट्र आणि देशासाठी हे योग्य नाही. मी दुही माजवतोय? पवारसाहेब तुम्ही जाती जाती मध्ये भेद निर्माण केले. मी बोलल्यावर आता शिवाजी महाराजांचे नाव घेत आहेत. काही तरी व्हिडीओ काढत आहेत. बाजूला शिवाजी महाराजांचे पुस्तक ठेवत आहेत. मी म्हटले पवार नास्तिक आहे. त्यानंतर देवाचे फोटो काढत आहेत. कशाला फोटो काढता. सुप्रिया सुळे लोकसभेत म्हणाल्या होत्या की, माझे वडील नास्तिक आहे.