कर्नाल (हरयाणा) -5 मे रोजी पकडलेल्या चार संशयित दहशतवाद्यांसंदर्भात कर्नाल पोलीस दररोज नवीन खुलासे करत आहेत. दहशतवाद्यांच्या चौकशीदरम्यान आधी बनावट सीमकार्ड आणि आता वाहनांच्या बनावट आरसीचा पर्दाफाश झाला आहे. कर्नालचे एसपी गंगाराम पुनिया यांनी सांगितले की, चौकशी आणि तपासादरम्यान अटक करण्यात आलेल्या चार दहशतवाद्यांकडून दोन कारच्या बनावट आरसी जप्त करण्यात आल्या आहेत. मूळ आरसीची एक गाडी यमुनानगर आणि दुसरी पानिपतमध्ये असल्याची माहिती आहे.
हवालाशी सबंध असल्याचा पोलिसांचा खुलासा आरोपी गजाआड होणार - बनावट आरसी प्रकरणाचा मधुबन पोलीस ठाण्यात 10 मे रोजी एफआयआरही नोंदवण्यात आला आहे. अटक करण्यात आलेल्या दहशतवाद्यांचीही विविध एजन्सी चौकशी करत असल्याचे त्यांनी सांगितले. या एजन्सींचा समन्वय कर्नाल पोलिसांशी करण्यात आला असून त्यांची टीमही येथे आली आहे. ते म्हणाले की, बनावट आरसीवर चालणारी वाहने अद्याप कर्नाल पोलिसांनी पकडलेली नाहीत. मात्र पोलिसांचे पथक बनावट आरसी बनवणाऱ्याला पकडण्यासाठी गेले आहे. बनावट आरसी बनवणाऱ्याला पकडण्यासाठी पोलीस गेले कुठे? त्याचा खुलासा अद्याप झालेला नाही.
हेही वाचा -हरियाणात पकडलेल्या चारही दहशतवाद्यांनी केली होती नांदेडसह विविध भागात 'रेकी'
हवालाशी सबंध - एसपी गंगाराम पुनिया यांनी सांगितले की, पोलिसांनी फिरोजपूरमध्ये कार्यरत संशयित दहशतवादी गुरप्रीतच्या बँक खात्याचा तपशीलही काढला आहे. ज्यावरून गुरप्रीतने अनेक वेळा मोठ्या रकमेचे व्यवहार केल्याचे समोर आले. त्यांचा हवालाशी संबंध असल्याचेही तपासादरम्यान आढळून आल्याचे त्यांनी सांगितले. चारही आरोपींची पोलीस कोठडी सुरू असल्याचे त्यांनी सांगितले. यादरम्यान त्यांना तरणतारण आणि फिरोजपूर येथे नेण्यात आले. जेणेकरून तपासात आणखी तथ्य मिळू शकेल.
कर्नालशी सबंध नाही - पोलीस अधीक्षक गंगाराम पुनिया यांनी सांगितले की, या प्रकरणाचा तपास गांभीर्याने व्हावा, त्यामुळे कोणतीही वस्तुस्थिती अपूर्ण राहू नये, असे स्पष्ट निर्देश वरिष्ठ अधिकाऱ्यांनी दिले आहेत. यासंदर्भात पोलिसांना आणखी बरीच माहिती मिळाल्याचे त्यांनी सांगितले. ते म्हणाले की, या दहशतवादी घटनेशी संबंधित शस्त्रे किंवा स्फोटके बाळगणाऱ्या आणि अटक केलेल्या संशयित दहशतवाद्यांचा कर्नालशी कोणताही संबंध आढळून आलेला नाही.
